صفحة غلاك

مدخل

ارحل من احلامي اللي قلت لك ترقى
ومن روحي اللي معاد اعرف منهي له


ومن دفترك وارتباك خطوطه الزرقا
ومن كل ضحكة ودمعه في تفاصيله


ارحل وخذ ذكرياتك معك لا تبقى
ساعدني ارجع لنفسي كان لك حيله








عمق

أحضن مراسيل الغـلا لاوحشتـك
واكتب على صفحة غلاك اعتـذارى


وان حدنى شوقى عليك ودوشتـك
علق على لوحـة لقـاك انتظـارى


بكره فى يـوم موادعـك لانبشتـك
صد فعيونـك لاتبيـن العبـارى


بلشت عمرى فيك مـدرى بلشتـك
بس الوكاد انـى ضحيـة قـرارى


لوماتغطيتـك غــرام وفرشـتـك
ماشفتنى عقبك من الشـوق عـارى


نقشت عمرى فيك وفينـى نقشتـك
وسكنتنى لين اسكنـت فيـك دارى


ماعاد اعيش الا انت من يوم عشتك
ولا يطرى الا اسمك مع كل طارى


مثل المطر وصلك ولو ما عطشتك
كل ماهمس صوتك احس بخضارى


سريت من ليلى عليـك وطرشتـك
ولليوم مدرى وين انا فيـك سـارى


غمض عيونك لا تكلمـت واشتـك
مابيك فاخرهـا تشـوف انكسـارى


لوكنت فى عينى حشى مارمشتـك
ولو كنت موتى ماكرهت احتضارى


وانا ان صدمتك بالكلام ودهشتك
لأنك عن اللى داخـل القلـب دارى


ياليل مايدفى مـع الشـوق بشتـك
وانا ذبحني شوق ليل الغداري


هذى الرسايـل ضمهـا لاوحشتـك
وسلم على ليل الغلا وانـت سـارى

مخرج

إشتقــت لك والغــــلا قــرب يضيعني
والخــاطر اللي صبــر مل وقضا صبره


بعلمــك شئ وافهــــم دام تسمعني
من واقــــع التجربه والــــوقت والخبره


لو الخـــلايق على حبـــك تنازعني
يبطون ما حركواً فيني محـل أبـره




لاأرواحكم العذبه