【علمتني إن الحبيب دايم حبيب مهما هجر】‏

كأن احبابنا غابوا
تنفس وانطفى القنديل
وتبلل بالدمع منديل
وخصلات الشعر شابوا
اظن احبابنا غابوا
احس إن الطعم واللون
وجمر المدفأة سافر
نُوافذ غرفتي الليلة
غدت أضيق من الخاطر
حبيبي قلت لي باكر
احبك كثر ما أقدر
و أبيك توعدني ما تزعل
ولا تحزن ولا تسهر
وش اللي جاب هالطاري
أظن الفرقى اسبابُه

علمتني أعقد صداقة بالنظر
مع ساعتي قبل اللقا
وكيف الثواني ما تمر
والشمس ما تنوي المغيب
علمتني إن الحبيب دايم حبيب
مهما هجر
سيل الظلام
يملى الشوارع ليل
ولا جيت أنام
أرخي الستاير عن شعاع
عن صوت وأقفل بابنا
يدخل قمر أحبابنا مدري أنا من وين
ساكن قمر أحبابنا بين الهدب والعين
أرجع أناظر ساعتي واللي مضالي من السهر
علمتني إن الحبيب دايم حبيب
مهما هجر
ياللي عيوني مرايتك
وفي كتاب دمعي حكايتك
ما اظن تنساني أنا
وجهي تركته في ساعتك
لا تخون وداعتك
تذكرني في ليل .. و في سهر و في حلم
تذكرني في بيت من شعر أو اسم
علمتني إن الحبيب دايم حبيب
مهما هجر

أوقات ياخذنا الحكي
وننسى بالحكي أوقات
واوقات يا ليت الكلام سكات
يجرحنا الحكي
اسهر مع حبيبي يا قمر الكلام
لين يغفى حبيبي وجروحي تنام
ابعد عن حروفي وعن المي وخوفي
وابحر في سفينه عن بحر الظلام
وصلنامدينه من عطر وغمام
انا وين القى كلام ما مر فـ كلام
اوقات يا ليت الكلام سكات
يجرحنا الحكي
بغني لعيونك في حزني وفرحي
وبكتب عيونك قصيده لجرحي
واخلي ابتسامك دموعك كلامك
قمر هالسوالف في ليل السكوت
ولو الف نجمه في عيني تموت
في حزني أحبك ويأسي أحبك
أحبك مأقول أوقات

نبي نطفي قمرنا
لو يعذبنا السهر والخوف
نبي ننثر قهرنا يا حبايبنا
على مد النظر والشوف
نبي ننزع من أعماق الحشا سكين
نبي ننزف حنان العاشق المسكين
ونجرح في سواد العين صورنا
ونبي نطفي قمرنا
سامحينا يالمحبة لو جرحنا وانجرحنا
سامحينا لو نسينا في الهوى ضحكة فرحنا
وآه يالنصل الحرير
ياهوى القلب الضرير
يالجروح اللي مضت واللي بتصير
نبي ننزع من أعماق الحشا سكين
نبي ننزف حنان العاشق المسكين
ونجرح في سواد العين صورنا
ونبي نطفي قمرنا

على الوساده شرايد نوم
من ما ترك خلي الجافي
لعل تالي سهرك اليوم
يا عين و اللي مضى كافي
هجرت هم و طويت سقوم
و دخلت في المخدع الدافي
و ساعة غفى جفني المحروم
و رميت حملي على اكتافي
حلمت باللي هواه حلوم
يصب جمرٍ على اطرافي
و انا احترق يالله المقسوم
و اطفي النار بلحافي
يا زين للعاشقين سلوم
و غاديك تحكم بالانصافي
هو ينعدل لا شقى مظلوم
او يشكي السقم متعافي
ما شفت جرحٍ عليه هدوم؟
هذا انا البيٌن الخافي

البدُر وَ ما أدراك ما البدُر
مهندس الكلمة وَ الحرف
أتمنآ أن تروق لكم يّ أصحاب