راكب الي وان مشىٰ له تقعّاسي
لااشتغل تقول مافيه كنداسه
@@@
حدر بطنه يطوي البيد متواسي
يوم يدوي كنّه ادواي قرناسه
@@@
عن محيط اهل الدوادي والأكباسي
جندلٍ تصْقع منه كل عرماسه
@@@
من وعرها جنّبَه كل عساسي
اختلط فيها البختري وبسباسه
@@@
يوم اقول بوقدةٍ له تقبّاسي
المقهوي ينفهق. عن تقبّاسه
@@@
كن ريح البن في وسط محماسي
فوحة الكنبود في مبخرة ساسه
@@@
العصر فنجالها يقعد الراسي
من تقهوَى بنّها ماشكى راسه
@@@
في حجاريفٍ خلاوي عن الناسي
كن عبق الطايفي عبق نسناسه
@@@
من قديمٍ هي هواتي والأوناسي
نبتها غير المطر ما حدن داسه
العضو الأكثر نشاطاً هذا اليوم 
العرض الشجري
