سن الرضاعه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الرجاء عند العـرب قبـل القطيعـه=وعن دروب الضيق لك درب الوساعه

وانتظرت فصول صيفي مـع ربيعـه=تايهن فـي مركبـن يلفـح شراعـه

لين ثارت بالحشـى حـرب الوديعـه=والحلوم اللي تجـي بالليـل ضاعـه

كنت احسب حصون معلوقـي منيعـه=وعن هجوس العشق في راس الرفاعه

خافقـي ترك الحلا مايستطيعـه=والعـذارى مالـنا معهـن منـاعـه

وابتليـت الـروح بجـروح شنيعـه=من عنودن له على العاشـق بتاعـه

شفت لي رمشن رمى حالي صريعـه=بالعيون اللي وصوفه وصـف ساعـه

حكمها ماهو علـى حكـم الشريعـه=تسحرك لاطـاح عـن عينـه قناعـه

لـو نبيـع النـاس مانقـدر نبيعـه=ولو تروح الروح في وسط الجماعـه

لاطرى طيفه مشت روحـي سريعـه=وكل عـذال الهـوى مابـي سماعـه

شال زين البيض بوصوفـه جميعـه=ومع حلا عينه لذيذاتن اطباعـه

حط في وسط الحشى مثـل الوليعـه=لين طاح القلب من عقـب ارتفاعـه

وعقب ماذقت السعد ذقـت الخريعـه=من سمعت اخبارهم بالمشـي ذاعـه

مع صحاصيح الخلا راحـوا نجيعـه=معهم اللي تسحـرن نقشـة ذراعـه

ماقويت الهـرج مـن زود الفجيعـه=والخفوق اصبح مع الشاري بضاعـه

عقـب مادنيـاي ودروبـه وسيعـه=طاح يشكي هاجسـن بالقلـب لاعـه

وصار طرد الصيد لهروبـي ذريعـه=في فياضن غيمهـا يركـز شعاعـه

في نجوم الوسـم يسحرنـي لميعـه=سيلها لافاض يسقي عشب قاعـه

انتظـر مظهورهـا يتلـي قطيـعـه=وينتهض ريف الحشى عقب المجاعه

وعقبها توبه عن البنت الفريعـه=وراح اقول اني على سـن الرضاعـه [/poem]