جوهرة الراوي ابن غسلان

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,8,black" type=2 line=0 align=center use=ex num="0,black""]

نجـوم اللـيـل مـاتهـدي دمـاغ الضايـع المـنـجـوم=وعـفـن الناس مايفـهـم شـروح ايـآت الانفالـي
ومـن يرضى هوان النفس يـبـقـى دايـمـن مـذمـوم=ولايقـدر بوقـت الـضـيق يـنـقـل زود الاحمالي
وموقـف من يريـد الطيـب بعـظـام العرب مـفـهـوم=يشـادي فايـز ابـن هـذيـل مايـلـبـد ويحـتـالـي
ولا تشكي على غـيـرك ولـو تـفــقـد لــذيـذ النـوم=مضى الجيل الذي يفـزع وراك ويرحـم الحالـي
الا ياكـثـر مـن يـشكي ويـرجـع بالـنــدم مـلـطــوم=وطيب اللي مضو يخلف هقاوي جـيـلـنـا التالي
وليـت اللي عجـز يـفـزع يـفـك القـلـب كثـر اللـوم=مـدامـه مافـزع فزعـة عـزيـزن تـشـرح البالي
فلا تلقى مـن الشكوى رفـيـقـن ينـصـر المـظـلـوم=ولا انـتـه كاتمن جرح الخريـف لشهـر شوالـي
واثاري جيلنا الماضي بعـيـدن عـن طـبـوع اليـوم=ومن يـنخـى عـيال اليوم يصرخ بالخـلا الخالـي
بيوت اهل الصخى والمجـد والنخـوه نعـاها البـوم=وكان اللي يـقـول الــقـول يـثـبــتـهـا بـالافعالـي
واخبـر الـفـرق مابـيـن النـشـامـا وامـهـات وشـوم=بفزعات الرجال اللي تخـوض بحـور الاهوالـي
علام اهل الصخى تشمت بحال الضايق المهـمـوم=ولا تفزع لمن يـشـكـي هـمـوم الـوقـت بريالي
ظهـر تسكيـن حرفـن كــنـت اظـنـه دايمـا مجـزوم=وجزم الـفـعـل مايـثـبـت ويرسـي كـود برجالي
وعرفت ان الخبر دايـم لطـولات العـرب مـضمـوم=ومن يهـمـل خبر كانا خـذى بالطيـب مـنزالي
وانا مانـي مـع الـتـشـديـد مـع بابـن غـدى مـردوم=وكسـر الباب مايـفـتـح قـلوبـن فـيهـا الاقـفالـي
نخـيـت اللي مـهـو فـاضـي ووقـتـه دايمـن مزحوم=متى يفضي وطول الوقت هـوشـة نصر وهلالي
خطـاي اني جمـعت اللي غدى عند العرب مقسـوم=وطيـب الجاه مـن عـفـن المـراجـل ماتهـيـا لـي
لقـيـت الطـيب فـي بعـض الاوادم للاسـف مـعـدوم=وتاريخ العرب صعبن يوافـق بعـض الاجـيالـي
وانا ماني بطـبـع اهل المـهـونـه والـردى ملـزوم=فلا طبـع الـردى طـبعـي ولا المـنـوال منـوالـي
ولا نـاخـذ بـفـزعـات الـمـراجـل للغـــنـاة رسـوم=وفعل الطيب ماتوخـذ عليـه صنـوف الامـوالـي
الا لا بـارك الـمـولـى بـقــرشـن كاســبـه مرحـوم=فـلا ذاقــه ولا سـاقـه ثـقــيـل بـوزن الاعـمـالـي
ولا ادري ليش صار القلب بطبوع الجشع مختوم=ويخـلـف هـقـوة اللـي جـاه يـبـي النـوم بظـلالـي
مثل سدر الشعيب اللي سـقاه مـن السحاب وسـوم=ولا احـدن ذاق فـي ظـلـه مـنـام وزيـن مقـيالـي
ولا تشره على مـن عاف مجـلاسـه بوسـط القـوم=ويجـلـس فـي ظـلام اللـيـل ينظـم زيـن الامثالـي
بدل مجلاسهـم عـديـت راس الـنـايـف الـمـزمـوم=واخبر اهـل الهوى ترقى براس المرقـب العالـي
مدام الجرح من فـرقى الحبايب للحشـى محـتـوم=لقـيـتـه خـيـر مـن دار المـهـونـه عنـد الانذالـي
سقاك الغيث ياروضن شـعـيـبـه فـاض لام رجـوم=سحـابـن بارقـه يوضـي عـلـيـه ويـشعـل اشعالـي
الا يا كـثر مـاجـيـتـه بـقـلـبـن ضايـقـن مـضيـوم=اعـلـل خـافـقــن يـغـلـي فـيـاضـن مابهـا ازوالـي
والا لا عدت يايومن وقـعـت من الهـوى مصـدوم=اناجـي فـي ظـلام اللـيـل نجـمـن ضـايـحـه مالـي
تبعت اهل الهوى ثالث ليالي عـيـد شهـر الصـوم=غريرن جـيـت نـار العـشـق وابـوابـه علـى فالـي
غـديـت لـعـيـنـهـا خـادم وقـلـبـي قـبـلـهـا مخـدوم=وذقـت اللي كـوى مـهـدي ومـاجـد وابـن هـذالـي
رحل خلي كما طـيرن ضحى الهده خـذاه الحـوم=عـلـى اللـي تـقــطـع الـوديـان درهـام وزرفالـي
ادير الفكر والخـافـق يـذوق مـن الـغـرام سـهـوم=ومن ناره غـديـت ازبـن واطـاول نايـف الجـالـي
عنودن نظرة عيونه خطر عـسكر جـيـوش الـروم=ورمـشـن ناعـسن يرجـف بقـلـبـي رجـف زلزالي
عـبرت بحور طرد الريم قبل اضبط فـنون العـوم=وصار الخـافــق الضايـع لـنـار الغـيـظ مدهالـي
الا ياعـزوتـي روفـي بقـلـب الـعـاشـق الـمحـروم=حـيـاته مـن فـقـد عـيــنــك وهـو حـل وترحـالـي
صبرت ايام والخــافـق يصالي رمحـك الـمـسـمـوم=وضاع الـعــمــر ماشـفــتــك ولادقـيـت جـوالـي
عرفت ان الامل عـنـدي بوصلـك طايحـن مـهـدوم=وذقـت الـنار في قـلـبـن جريحـن قـبـلكـم سالـي
عجزت انساك ياعين المهـاة بسحـرهـا المـعـــلـوم=وجـسـم المـهـرة الـلـي ماركـبـهـا كـل خـيـالـي
وداعة خير يازولن رمـى قـلـبـي رخـيـص الـسـوم=حزيـنـن يشـتكي جـرح الزمـان ولا لـقـى والـي
تركتيني على جرف(ن)من الـفـرقـى غـدى ملـغـوم=اراجي طـيـفـك الـراحـل ورجـلي فوق الاهوالي
الا ياقـلـب لا تـشكـي غـرامـن بالحــشـى مكـتــوم=ومن جرح العـشـيـر اللي مكانـه بالحـشـى غالـي [/poem]