شرهه على غالي

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]

اخـبـر الـذي يـذكـر مكـارم رفــاع الـصيـت=الاجـواد تحــفــظ لـه كــرامـة جـمـايلها
وش اسباب فوز الشبرمي ساعة التصويت=مـشـوا لـه تمـيـم اللي كرامن شمايلها
وانا بالجماعه جبت عـلـمن من اول ميـت=وعــديــت بالـشـاشـات طـيـبـة فـعـايلـها
وصدع صوتنا يرزم على كل قـصر وبيت=بطــولات ربـعــي دقــهـا مـع جــلايلـهـا
وانا لا سمعـت اللي لـمـس لابتـي حامـيـت=واعــدد مـفــاخـــر لابــتـي مـع دلايلـهـا
وانا مـن كرم ربي بـلـيـغـن الـيـا حـاكـيـت=وفكري عـرف طـبع الرجـال وخـصايلها
اجـادل بـعــقـل وثـقـــل واسـنــاد لارديـــت=واكيل احـتـرام اهـل الصخى في مكايلها
وتواضعت باخـلاقـي مـع الناس لاماشـيت=وتركت الجهل واهل الجهل في جهايلها
ولا جـيت درب البوق والـغـدر لو جـافـيت=وعـشـرين عــام اجـمع لربعي صمايلها
والاحـقـاد ماهـي فـي ضميري ولو عـاديت=ولا جـبـت لـربـوعـي سـبـايـب فـشايلها
ومـن عـاشـرن يـشـهـد عـلى كل ماسويت=ورديـت لاصحــاب الـفـعــايـل هــمـايلـها
ونظمت الـقـوافي ترهـب القلب لا ناحـيـت=وقـلـت الــذي محـدن مـن الـنـاس قـايلها
وانا اللي صدعت بكلـمة الصدق ماداريـت=وعمري قضى وسط القصوص وملايلها
ايا كـثــر ما شـفــت الـمـعـانـد ولا بالـيـــت=وقـاسـيـت مـن حـســـد الخـبـاثه غـلايلها
ولااحــدن نـشـد عـني اليارحت والا جـيـت=والاقـــدام مـاتـامـن نـشــايـب حـبــايـلـهـا
وتطاول علي ناسن بهرجه وانا مااخـطيت=تحـاول تـبــي هــونـي بكــامـل وسـايلـهـا
سقوني من صنوف الغثى والقهر واخفيت=لما شفـت روحي غـايـل الـظـيــم غـايلها
واذا ضقت قـمت انخى ربوعي اذا شاكيـت=يجـيـنـي جـواب الصوت من ظلع حايلها
ولا فـيــهـم اللي جـاوب الصـوت لو ناديـت=وانا اللي نشـرت امجـادهـم فـي قـبـايلها
ونـسـيـان مجـهـــودي كــوانــي ولا ونـيــت=ولا هـو جـزاء الراوي مـقـاعــد خذايلها
ولو اني بويلان الـصـخـى والـنقـى سجـيـت=لـقـيــت الـكـرامـه مع سلاطـيــن وايلـهـا
واذا كنت ماتسمع ثنى الشكر يوم اعـطـيـت=فلا عـيـب فـي رجلن قـعـد مـع بخـايلها
ويجي يوم تظهر غـيـبـة الـذيب كان اقـفـيت=وبالـقــيــظ تـتـمـنـى هـمـايل مخــايلـها[/poem]