واوجودي وجد مطلوب تعريف وكفيل

واوجـودي وجـد مـطـلـوب تـعـريـف وكـفـيـل=وكل رجل(ن)يـتـصـل فـيه يـقـعـد مايـجـيه
وسط سجنن يودع الـذيب مـمـهـون(ن)ذليل=ولا يـخـبـر اللـي بـالافـزاع يـقـدر يـرتـجــيه
عقب ماهو بـيـن الاجـواد من ربـعـه جـلـيـل=مـنـزلـه عـالــي ويـاكـل من الـلــي يـشــتهـيه
صار في رحـمـة جـنـود(ن)وعـاقـلـهـم هـبيـل=وكل من يـمـسك خــفـاره قـعـد يـزمـر عـليه
حـاجـتـه صارت رهينه مع الـعـفـن الـبـخـيـل=ودايـم(ن)عـفــن الـطـبــايـع مـع الـعـالـم كـريه
ان نـخـــيـــتـــه بـالــفـزايـع وقــع مـافــيــه حــيـــل=يـشبه الـقـنـفــذ ولا لـه سـوى الـقـنـفـذ شـبيه
الـنــهــار اصـبــح بـعـيــنـه سواده تــقــل لـيـــل=وكـل هـم(ن)وادع الــقــلـب يـرجـع يـحــتـويه
ولو عطوه عن العطش كوب حطوها جـميل=وان شكى هونه على الشيخ مـحـدن قال ليه
مثل وجدي عقب ماغاب مـمـشـوط الجديل=وعـقـب بـيـعـه خـافـق الـلـي بـحـبـه يـشتـريه
ماهـقــيـتــه يـرمــي الــقــلــب بـفـراقــه عـلــيــل=ويـتــرك الـلــي يـسـهــر الـلـيـل كـلـه يـحـتـريه
ماهـقـيـت الـغــدر يـاتـي مـن الـرمش الظليل=ولاهـــقــيـتــه يــقـبــل الـــغــــدر والا يـرتـضــيـه
لاجـل نـمـنـع خيل الامال عن حس الصهيل=ولا تـركت الـجـفـن يـسهـر وهـجـره مـقـتـفـيه
ياغـزال(ن) شـب بـالـجـوف مـن نـاره فـتيل=وحـط رمـح الـهـجــر بالـخافق اللي يـهـتـويـه
اشـهـد انـك خـنـت قلب(ن)يظن انك خليل=وان من يـاثـق بـهـرجك شكى الـقـيـد بـيديه
وان من يـاثـــق بـالاريـــام وعـــهــوده هـبـــيــل=وان حـظــي حــد قـلــبــي عـلـى اللي مايـبـيـه
وان قـلــبــي خــاض الامواج ماعـنـده دلـيـل=لاجـل مـن يـجـرح خـفـوقه ويرجع يـشـتـكـيه