حي برق(ن)بالدجى يوضي شعاعه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,7,black" type=2 line=0 align=center use=ex num="0,black""]

حي برق(ن)بالدجـى يوضـي شـعـاعه=ضـوح نوره ليلـة الـجـمـعـه دعـاني
لاح لـعـيـون(ن)بــدت فـتـرة ضـياعه=لا نسـى جـرحـه كـواني جـرح ثاني
لو بغيت انسى جروح الوقت ساعه=واترك اللي عن هوى غـيره خـذاني
خـافـقــي مـالــه عـن الـغــالـي مـنـاعه=وطـيـفـه الــجـايـر بـمـسـمـاره كـواني
شـفـت من غـزلانـنـا الـحـلـوه ربـاعه=رمشها الـمـكحول في سـحره سباني
ولا هـقـيـت ان الـدلـع يـصبـح لعاعه=والطبيب ان شاف جرحه ماشـفاني
ولا حـسـبـت طبوعها لعب ولكـاعه=لين طاح الجسم من غيظ(ن)بـرانـي
انـثــر اشعار(ن)بوسط الناس شاعه=لا دعيت الـقـاف بالـمعروف جاني
لـي بـطـــاروق الـهــوى فــن وبـراعـه=عـمـرنـا يـفـــنـى وقــافـي غـيـر فـانـي
لا بـغـيـتـه قـال لـي سـمـع(ن)وطـاعه=ولو عـصـى غـيري بكيفه ماعـصاني
يـطـرب الـخـافق لنـظـمه واستـمـاعه=وهي شفى جرح الـذي حـطـم كياني
ويل روح(ن)خـلــهـا بالـرخص باعه=وزاد جرح الروح مع جـرح الزماني
مـركـبــي بـبـحـورهـا يـلــفـــح شـراعه=ضايـع(ن)دربـه على مـوج الـهـواني
قمت اشوح الشوف لدروب الوساعه=ولا ظـهـر حـولي رجـال ولا مواني
غـير رعـاد(ن)خـذى قـلـب الـرعاعه=هـز وجـدانـي وانا نسل الـحـصاني
الـظـلام بـنـاظـري هـجــس وفــضــاعه=والــعـواصف لـونـهـا الـذباح بـانـي
والحشى عـايـش على خـوف ومـجـاعه=يرتـجـي من بـاع حـبـي ماشـراني
مـثـل عـيـن اللي نـزل فـوق الرفـاعه=اشـقـر(ن)مايـنـقـلــه كــف الـهـداني
له على صـيـد الـخــلا حـيــل وبـتـاعه=لا كشف روض(ن)كساه القحوياني
لا كـفــخ يـغـريـك حـيـلـه وارتـفـاعه=وشفت نثر صدورهن شوف العياني
مايـفـيد الـخـرب حـب ولا شـفـاعه=عند طير(ن)يشبه جـريـس اليـمـاني
يصـفـق الـحـبــرم ولا يـعـتـق نـخـاعـه=والــهـدد يـكــفــيـه من وقـتـه ثـوانـي
مثل عـيــن اللي تـرك قـلـبــي بـضـاعه=يـشـتـري قـلـبـي واذا بـاعـه نـسـاني
شافـنـي مسـحـور فـي نـقــشـة ذراعه=وان فـقــدت عـيــونـهـا جـاني جناني
السعـد في شوف خـلــي واجـتـمـاعه=والـنـكــد بـالــــروح لا راح وجـــفـاني
ويوم حـطـيـت الـحشى عـنده وداعه=وكنت اظـنه صار في حـفـظ واماني
مامشـى بالـقـلب بـدروب الــوقـاعه=ولا خـذيـت لـخـافـقـي عهد وضـمـاني
قـام يـرمـيـنــي ورى نـقــرة قـضـاعـه=وان شكيت الجرح في هـجره وطـاني
لين حـد الـروح لـدروب الـقــطــاعه=وفـي ثـيـاب الـحـزن بـغـيـابـه كـساني
ارتـحـــل عـن دارنــــا يـنــــقــل مـتــــاعـه=وقـبــل يـنــــذرنـي بـمـرحـــالـه فـجـانـي
كنت اظنه راضـع(ن)حـبـي رضــاعه=وصار حــب اليـوم ضـحـكات واغــاني
قال هذا الـوقت سـرعـات وصـنـاعه=ورقصتـك ساعه على صوت الكـمـاني
وغاب عن روح(ن)تعاني من صـراعه=لـيــت ربــي بـالــمــحـــــبــه مـابــلانـي
بـالـتـجــارب زاد قــلـبــي بـاقـتــــنــاعـه=راح وقت الـطـيب مع وقت الـسواني
راح اعـيـش الـعـمر بكفوف الضراعه=وعيب اجازي بالردى قلب(ن)جزاني
لا تـظـن الـسـوط بالـعـذرى شـجاعه=مافـعــلــهـــا بالـعـــرب غــيـــر الــدواني
وطـبـعـنا ماهو مثل طـبـع الـجـمـاعـه=وراح اساعـد واحـد(ن)صوته دعاني
دايـم(ن)يشكي خـفـوقـي من خداعه=مع غـزال(ن)لا قضـى الـحاجه رماني
وخافـقي وسط العرب هذي طـبـاعه=واهـنــي الـلـي مـن الـضـيـقـه نـخـاني
روحـنــا لا صـاح راع الـضـيــم فــاعـه=تـشـبـه الــويــلان فـي كـل الـمـعـاني
له طــبـوع(ن)بـيـن كل الـنـاس ذاعـه=ذايع(ن)صيـتـه مثل صوت الاذآني
لـو تـحـط الـوايـلـي تـحــت الاشـاعه=الصخى فـي نـاتـج الـتــقــريــر بـانــي
ومن بغى الـمـقـناص في وايل سباعه=خــل عـنــك البوم وفروخ الحـصاني
الـردى بـعـيـونـهـم عـيــــب وشـنــاعــه=وفي رياض الـمـرجـلــه شادوا مباني
ومن بـغـى صولاتـهـم يـنـشـد خـزاعه=والـعــطــاء بـايـمــانـهــم مـالـه مـثـاني
ياعـنـود(ن)في مكـيـلـي ضــاع صـاعه=ولا دريــت انــه بـهــجــرانــه نـوانـي
عـقب نـوم الـفـرش نومـي فوق قاعه=وذقت مـقـعـاد الـقـسى عقب اللياني
من حـبـال(ن)ماتـوقـعـت انـقــطـاعه=مع عشير(ن)لو عـطـيـتـه ماعـطـاني[/poem]