قصيدة .. الجواهر .....

[
اهداء للجميع هذه القصيدة المتواضعة

واعدكم بقصيدة جديدة نهاية الاسبوع


(( الجواهر ))

لاح في عنقها عقد الجواهر برق
فوق زين الجميله زادها العقد زين
ولاح بين الشفايف ومض برقٍ شرق
بين جمر الغضى هالدرّ سهلٍ يبين
قلت أبشعل من أجلك غافيات الورق
دام فيني اشتعل ساعة فقدتك حنين
آه ياهالجفا ماأقساه يومه سرق
الهنا والسعاده والأمل من سنين
جـيّـتك شالت اللي في همومه غرق
يوم رحتي وكنيّ عقب بعدك سجين
اسكبي نهر جودك في ليالي الأرق
خلّي أقسى الليالي في وجودك تلين
شوفي برد الليالي يوم جاك إحترق
مـنّي بفضل عطفك للزمان الحزين
المزايين واجد لكن الله فرق
وانتي زينك لحالك لا ولاتشبهين
كن في سلهمة عينيك رمحٍ زرق
وفي خدودك زهور الفلّ والياسمين