الاصيـــــــــــله

جتني رســـــالـة لايمــتني وانـــــا لمـــت
نفــــسي على تـقــــصــيرهـا بالاصــــيله

مضـمون ماقالت غمت خاطري غمت
بيتين عن كـل البـيوت الـجــزائلــه

كـلمت منـهو تـشـتهي نـفــسـك ونــمـت
واهمـلـت من لجلـك سهر طول لـيله

الله يهينك بهـــوى من مـعــه هـمــت
وانا لـي الـلـه بألـليــأل الـطـــويــلـــه

سـاعـه قـريـت بيوتـها صـمت في صمت
كن الكـلام اللي بـقوله فـشيــلـــه

عـن مايـدنق رأس محــبـوبـتي شــمــت
هتي خـابره ربـعي من اية قـبيلـه

حكـمة حيـاتي دام عــزي ولا دمـــت
مـاغـير ربــي ارتـجي وانــحني لــه

مـاخنت بالصـاحب ولابعتـه وسـمـت
غـــيــره ولـوانـــهــا حـمولي ثقـيله

اشـيل حـمـله فـوق متـني اليا قـمت
وان طـاح احـطه فـوق حمـله واشيلـه

يـرقا جـبل شـامـخ مـن الطيب مادمـت
داعـس على روس النفوس الذليـله

فـطرت في طـيب الريـاجيل مـاصـمــت
يـالـلـه تحــرم كـل كـف بــخــيــلــه

يـاطـيـر تكـفـا كـل مـا لـلـسمـا حـمت
تـاخـذ معـك قلـبي وشـوقي دلـيـله

هـي الثـريا وغـيرهـا هـي مــارمــت
مـاكـل مـايبـرق لـعيني اخـيلـه

ان نـمـت تـطـري لـي تطـري واذا قمت
الحـب خـلا حالـتي مستـحيـله

وان قـالت اني في هوي غـيرها همت
وهـي لهـا الـلـه في اللـيال الطويله

اقـول لو لـيـله على صـدرهـا نـمـت
تسـوى بعــيني الــف ليـلـــه طويله

مما رأق لي
أتمنى أن يروق لذائقتكم
دمتم بصحة وعافيه

بـــــــــوح المشاعر