(مدري وش يجيبك؟!) قصيده مختاره للشاعر محمد الحربي

[poem=font="Simplified Arabic,4,purple,bold,normal" bkcolor="sienna" bkimage="backgrounds/23.gif" border="outset,4,purple" type=2 line=0 align=center use=sp num="0,black"]
مراحب.حبيت انكم تبحرون معي للوصول إلى الجماليه والشفافيه في ذاتيه الكلمه الراقيه والنص الجيد
وأرجو ان اكون قد وفقت في اختيار القصيده والشاعر..فالقصيده بها من العتب مالبس ثوب الحكمه..
وذكرى تضج بها كل زوايا هذا النص العذب..لتظل هذه الابيات خالده..


نسيتك..بس مدري وش يجيبك لانطروا أحباب؟! = تغيب اللحظه اللي ماتجيبك..وانت في بالي
صحيح..انـّك مابين النون والجفنين والأهداب = تجول من اوّل الدنيا..لآخر وجه عـذّالي
وصحيح..انـّي قدرت اساعدك تلمح كثير اصحاب = إذا انـّك غايبٍ..وان الطريق يشحّ بوصالي
قليله؟!لاتذكّـرتك..وغدا فيك الخفوق وجاب = قليله؟!لوأشوف ان الهموم بقربك اشوالي
تراي..ازريت ادوّر في غيابك للغياب اسباب = تجي كل المعاذير الرخيصه..وإنـّك الغالي
وانا..وان شحت عنك القى وراي الفين باب وباب = إذامن وين ماجيت الطريق الحلم..تبرالي
قطعت من السهر ثلثين عمر..وثلت عمرٍغاب = وصلت..ولالقيت الآصداك يسولف قبالي
تعبت ابذر على كل السنين المجدبه أعشاب = قطفتك من أرضين الجفا..واجدبتك لحالي
نعاتب؟!لعنبو وصلٍ يجي باخر مداه عتاب = ويبقى للسوالف..طعنتين ومجلسٍ خالي
ولوكان المرابع..باقيٍ فيها أثرلاطناب = أناادري..ماتركها السافي الآكـبـّهـا فالي
حبيبي..ماتعذرك الوصال ولاوصلك غياب = جنوني لوتغيب..ولوحضرت حضورك هبالي
لك الله..والكلام اللي يجي كلـّه يفوح اطياب = طرى لك من نصوحك..غير ماهومنه يطرالي
ترى بعض العرب عذبة حكي..وازوالهم أخشاب = ولوسنـّدعلي هرج الثقاة..وشربـّك حالي
وبعض السم لويقدر..ذبح قبل النفوس الناب = إذابه من رخى سمعه..لبعض القيل والقالي
وانا مابعتك لهرج العذول..الواشي الكـذّاب = أناجبتك من اطراف الرحيل..وقصرت حبالي
من اوّل ماتعشّـمك الخفوق لنابضيه وخاب = لآخر مانوى النسيان..قلـبٍ..ذابــلٍ..بــالي
عسى الله..لايسامح من طرافي غيبتك أحباب = نسيتك..بس مدري وش يجيبك غصب في بالي؟!



[/poem]
[align=center]الشاعر / محمد الحربي
تحياتي للجميع عيــ غاليها ـــون[/align]