ياليت من قال ياليت ,,,,

بسم الله الرحمن الرحيم
السلام عليكمـ و رحمة الله وبركاته

صباح / مساء الخير الجميع ويسرني أن أقدم لكم هذه القصيده’’’
لعلها تنال إعجابكم وترتقي لذائقتكم الشعريه ,,,

ياليت لصبر الأوادم سوق والله إني لأشتريه = مليت أرجي هالزمن والزمن حمله ثقيـــــل
أرجيه ليته أو عساه يرجع الماضي و أجيه = و أشوف من أشتقت له و أشتقت للرمش الظليل
الصاحب اللي غاب عامين و عامين أرتجيه = غاب له أربع أعوام بين أكيد و إحتمال
مالفئ علمآ اكيد و لا إحتمال ولا وجيه = ماحصل لي سمع صوته ولا لشوفه مجال
يطري علي قبل المغيب و أقول يالله تهديه = ويزود همي في غيابه كل ماهب الشمال
ياقت وفق ساعتك ياعسئ الفرصه تجيه = قبل لايمضي العمر والشوق يطويه الزوال
أشتقت له شوق الرضيع اللي توفو والديه = بأول سنينه ولا يعرف سوا كلمة تعال
توه صغير ولا لقئ حضنً يضمه ويحتويه = عاش الحياة الموحشه بين جوع وضيق بال
عليك ياللي كاس ضيقي من غيابك أرتويه = صدر خلكـ من غيابك شال أحزان الليال
يابعد من حط همي مثل همه شبيه = يامن غلاه بداخلي وبين الحنايا لا يزال
وش عاد لو فاتت سنين العمر للحيني أبيه = في غيابه و إبتعاده مانزل قدره ومال
مانسيته و أدري أنه مانساني و أحتريه = ياعسئ وقته يروف بحالتي ويفتح مجال
ويصير مفتاح الوصل بيني وبينه وفي يديه = أجيه كل ما أشتقتله ويقول كل لحظه تعال
وأطوي زمانً عشت به كني مع العالم سفيه = ماغير أفكر في وصاله لا حصل منه وصال
ياليت للصبر سوق كان أجيه وأشتريه = أو ليت من قال ليت تحققت كل الأمال

تقبلو خالص تحياتي /

هاوي الشمال