طاحت من اكتاف التعب [اربع شهور]
...... وصاحت من اتعاب الكتوف .. \ الثواني..!
وصار الحزن[شباك]..والصمت ديكور
...... وبْكاي .. [ترتيلة مطر] .. للمواني..!
والدمع شمع.. ومعظم احيان [بلّور]
...... .يتمرجح اهدابي.... \ ليا من بكاني..!
كلْ ماأغني يختنق [ صوت عصفور]
...... وكلْ ماسكتّ .. تْموت فيني [أغاني] ..!
وكلْ مامكاني يجْفِيَ [ اصابع النور ]
...... أشعل اصابيعي .. وِ أجفى مكاني..!
ومن كثْر مانا [طاغية].. حسّ وشعور
...... مابي هلي يدرون ... اني أعاااني..!
أطلع ابَرْوز [ضيقتي] فآخر السور
..... إيلين تبكيني ...\ السكك والمباني..!
وارجع و ِألقى ياوطن.. ضيق منثور
..... إسمع... \ ولا تنثر دموعك ..عشاني..!
طفْلَتْك ماتملك سوى..[ حلْم محصور]
.... و[ شويّة العاب ] ... \ وحكايا مواني ..!
تحْضِر غياب وتلْتحف..:غيبة حضور
..... ينسونها ...\ وتقول: محد ٍنساني..!
تحْلَم.. وتخنق حلمها .. [ وحْشة الدُور ]
...... والمدْرسه....وهواش [ أبله تهاني ] ..!
وعلى كثر مابلّل اطرافها ... [ النور]
..... تفرد أصابعها .. \وِ [تطفى ] معاني ..!
وعلى كثر ماتترك الصبح [ ممطور]
..... تذبل ... لأن الصبح دايـم .. [ أناني ] ..!
مامات من [ برد الصباحات ] .. عصفور
..... بس هيّ [ماتت] .. من كثِر ماتعاني ..!
/
صوتية
بإلقاء عبدالعزيز الرباح
غرق ممتع لكم أحبتي 
ترتيلة مطر|.."حروف العنود العبدالله بـ إلقاء الربآح "..!
العرض الشجري
