اسعد الله اوقاتكم
وجدت لكم هذه القصيدة واتمنى مشاركتي في قراءتها والاستمتاع بها
خذ راحتك خذ راحتك صبري على بعدك كبير
لا تنزعج منّي أبدْ دنياك عاشرها وسير
لا تتعب أفكارك معاي أنا مجرّد ذكريات
راحت مع أحلام السنين هذا المقدّر والمصير
خذ راحتك عيش الهنا عيش الوفا مع من تريد
عسى الليالي تسعدك وتهنى مع الجو الجديد
وغلاك عندي ما حسـدك ما دامك إنته المستفيد
لكن ما خبّي عليك ماعود لك مهما يصير
إسلوبي وطبعي معاك من ما عرفتك ما خفا
أعاند القلب العنيد وأوفي مع اللي هو وفا
أصفي مع القلب الصدوق لو في غيابي ما صفا
مبداي في الدنيا يقول الله على الظالم كبير
لي ما عرَف معنى الهوى ولا ذاق تلويـع الغرام
يا صاحبي صعبٍ عليه يكمل غرامه بالكلام
في الحب تعْذيب وسهـَر ترحال وأسلوب وهيام
ما حَسْ بــه غير الـذي يشعــر بتأنيب الضمير
خلّك قوي العاطفة صادق مع نفسك وضوح
أرحل مع جو الأمل مالك في تعْذيب الجروح
الله معك الله معك من وين ما تمشـي وتروح
لك قلتها خذ راحتك ، دنياك عاشرها وسير
الشاعر
جمعة بن نايم
الامارات
العضو الأكثر نشاطاً هذا اليوم 
العرض الشجري
