الحزن خيم فوق حائل له ايام,,امرا" من الله للعبيد امتحاني

السلام عليكم ورحمة الله وبركاته

هذه القصيده كتبتها رثاء بالامير الشاعر الراحل طلال آل رشيد رحمه الله واسكنه الله فسيح جناته

[poem=font=",7,red,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
طالبك يامن خير مبعوث له صام =في رحمتك تسكن طلال الجناني
لك نبتهل ياذا الجلالي والاكرام=طيب على الطيب رحومن حناني
يامخرج الانسان من وسط الارحام=قادر طلبتك في طلال الحساني
وأجبر عزانا ونت قادرورحام=وخفف علينا كايدات الحزاني
الحزن خيم فوق حائل له ايام=امرن من الله للعبيد امتحاني
ابكى الثكالى والارامل والايتام=وهز القلوب القاسيات المتاني
وجو الطنايا صاربه غيم وكتام=في موت ابو نواف والعمر فاني
لفو طلال بسفرته بأبيض الخام=وضاقت علينا يالله المستعاني
ياعونت الله ياقشر جور الاعوام=لاعادك الله يا مشاكل زماني
ياشيب عيني ساهر الجفن مانام=من فجعتي سامرت نجمن دعاني
ياتل قلبي من محانيه قدام=تل الرشاء من بين هدف السواني
اوجس توقف داخل القلب صمام=من شين علمن يشهد الله دهاني
قمت اترحم واقفن فوق الاقدام=واشد عزمي بس طحت بمكاني
ماني مصدق قلت طيفن من احلام=لحظة امل ماعشت فيها ثواني
لو الخبر موثوق والعبد مادام=بس البشر له نجدتن بالاماني
الشاهد الله لوله الروح تنسام=لافدي بعمري للامير اولآني
شيخن توفى عندنا عنصرن هام=ينفع ويافي ياتردى الهداني
ننعى الفقيد وننشره عبر الاعلام=والله يقول اجيب عبدن دعاني
أدعو معي يامقتدينن بالاسلام=تروا الدعاء لآراد مولاي كاني
عسى دعانا يقبله رب الانام=ويرحم طلال وربنا مرحماني
[/poem]