بعض الخطايا الصمت عنها معاذير (........)

...

بسم الله الرحمن الرحيم

السلام عليكم ورحمة الله وبركاته

قصيده عجبتني وإن شاء الله تعجبكم ^_*
,,




يا غايب(ن) والليل ما هوب ليلك
وش ورّدك وجروح قلبي مصادير

اليا نسيتك دكت القلب خيلك
واليا ذكرتك ما ذكرت المعاذير

يامحتمي بالحب الاول دخيلك
ارحل ترى ما عاد ابي منك تفسير

ولا عاد تنشد منهو اللي قتيلك
خلاص ما في يديك للذنب تبرير

العذر عن بعض الخطايا يشيلك
وبعض الخطايا الصمت عنها معاذير

وانا لقيت اقفايتي عن سبيلك
مثل انكشاف النور وانشودة الطير

لانتب خليل(ن) لي ولاني خليلك
الحب كفّنته وكف المشاوير

اموت حر ولا اتمنى مقيلك
رمضى(ن) تصاليني ولا منة الغير

يمكن حسبت حساب ضيّع دليلك
تقول ابخطي واحتمي بالمقادير

ولا كل مره لك زمانك يجيلك
على مرادك كان ما عندك مشير

ومن بشّرك ويقول بالقلب سيلك
جاري وحبك قد نبت له نواوير

يبشرك ويقول عين(ن) تخيلك
لدّت نضرها عنك واستبشرت خير

تشبه سراب البيد ما ينعني لك
كلك متاهه وين ما اوجه السير

وليل(ن) تعذّر عنك ما هوب ليلك
ليل(ن) صباحه عيد واطلالته غير

,,
تقبلو تحيـآاتي
قلبي عذابي