|
طول الجدار وقصرة الرجل نومـاس//شيلة
قـم يالمقهـوي دن نـجـر ومحـمـاس
واحمس لنـا مـن حـب صنعـا نماهـا
احمـس وزيـن حمسـة البـن بقيـاس
دقـــه ولـقـمـهـا وعــجــل ســواهــا
وصبه لممرور علـى الخيـل مدبـاس
تقفـي عـنـه صــم الـرمـك لانصـاهـا
من فوق ماتاخذ على الخيل منـواس
لاجـدعـت خبـثـات الانـفـس حـذاهـا
واثنه لمن حوله على الزبـر جـلاس
اهــل السـمـوت الـلـي بعـيـد مـداهـا
ابـن عبيـكـه هرجـتـه مابـهـا بــاس
تطرب لهـا كـرام اللحـى مـن حلاهـا
طول الجدار وقصرة الرجل نومـاس
لا صـــار مـــا لـلـرجـل داع دعـاهــا
تصيـر بعيـون الرفاقـه مـعـك بــاس
لاصــار ماتـدعـى تــره مــن عنـاهـا
يـصـيـر قـــالات ويـصـيـر لـــولاس
ونـوبـن مــن الادنـيـن يـاتـي بـلاهـا
قلبك يصد ويضرب القلـب عومـاس
والنفـس تقـدح عـقـب زايــد غـلاهـا
خلـك علـى بابـك تقـل لـون حــراس
لاجــو علـيـهـن محـتـريـن عـشـاهـا
لاجن مع الخل الشمالي لها اضراس
والكـل تشـكـي رجلـهـا مــن حفـاهـا
نرحب بهم من قبـل تجديـع الالبـاس
قـلـط لـهـم تـمـر الـحـلا مــن نمـاهـا
ونذبح لهـم كبـش مربـع بالاطعـاس
نقلـطـه مــن قـبــل يـقــرب مـسـاهـا
هـذي سلـوم جدودنـا قبـل مـن راس
والـلـي بعـدنـا كـــان ربـــي هـداهــا
الشاعر : مبارك بن رمال الشمري
|
العضو الأكثر نشاطاً هذا اليوم 
العرض الشجري
