ماني بمن ياتي ولا يدرابه .. شطرن حفظته ما أعرف كتابه

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

ماني بمن ياتي ولا يدرابه = شطرن حفظته ما أعرف كتابه
أقرب مني يا عضيدي محمد = شبيت له ناري ونوخ ركابه
رجالن بالزلل ما تلفظ = وكلن بطيب أفعاله حكابه
من طيبه وطيب عمه وخاله = من لابتن يا حي هاك اللابه
من شمر وإليا من عدت شمر = كرمهم ما وقف همال سحابه
ما هو حقران ولا ردى بغيرهم = كلن بالطيب يدسم أشنابه
وهو مكرم الجار والضيف = له بالشواميخ ماله بشعابه
يشعم النار وعيونه ترقب = طرقي وقولتن يا هلابه
ساتر العذارى يوم الدخان = تثور وكلن رابط له عصابه
يا محمد إسمع مني لو إني = العمر توه ما كمل نصابه
من جر الخطاوي وصد بوجهه = لا تتبع جرته وتذكر محرابه
خله عسى دور الوقت يعلمه = هذا دور الزمن مابه غرابه
ما تفيدني أحزاني وضيقاتي = دامه على الهجر ورحلته نوابه
ثم فليت من أفكاري مطويه = بعضه حلو والآخر مرن شرابه
وأخذت به سجه مع نور القمرا = أغني علومي على الربابه
أخطيت وخيبت ظن نور عيوني = وإنكسر لي في داخله إعجابه
دام راسي يشم الهوى يا صاح = إني لا أغير بالوقت ما جرابه
والله لرجع على عهده بي = وأصون له صورتن تبقى مهابه
وهو خابرن وش أكن بقلبي له = وأنا خابر ما تنحني أرقابه
له في سما النوايف علامه = يلوح لوحه ما يلحقه إعابه
وإن ذكر الهوى يا ويل قلبي = لا أقبلت تنقل بكفها خضابه
حجاجها هلال عيد رمضان = ورمشها رمى قلبي وأصابه
عيون المها لا حطت اللثام = تقعطلت وعجز لساني إعرابه
وصدرها مرايه تعكس ناطحها = والعرق مع سيل مفرقه أشقابه
وأحمر شفايفها جمرن تلضى = لا منها حكة عيوني تلهابه
ما غفت عيني بنوم أفكر به = واهني ذوقت الشهد لعابه
ولا أقفت وبخصرها تومي به = بندى العبير الطير غنابه
والغنج غنوج وهبه من ربي = في ليلي مع همسها أسرابه
هذا هواي وهذا عشقي لحيي = اللي أحتاروا فيه أطبابه
وبختمها بشطرن في صدري يلوج = فديت والله مواطيه وترابه
[/poem]

وسلامتكم // طلال الأسلمي الشمري ..