مع التحيه والمحبه والتقدير
هبايب لك ذرا وانتي هبايب لك ذرا وحجاب=مشاعر تلطم العابر وتعطي حجم وتبدّي
منازل هيبتك وسط العيون ومهبط الاهداب=تمادى با الحدود وتلمس الشريان وتهدّ ي
رحات الفكر تطحن والولاعه تزرع الاسباب=وانا برض الهجوس الطاغيه يدّي على يدّي
زماني فيه سويتي صدا في هامة المرقاب=وجذبني للصدا صوت الصدا , ودي ولا ودّي
ورا يا منبع الهيبه ذراكي هو ذرا الاعجاب=وانا اللي ما لبست لباس ما فصل على قدّي
مناديب الولع ترسل ولعيونك تدق الباب=ولا غير العباره وش تبي ردو لها ردّي
واذا ودّا مع النسمه هبوب العاشقين وجاب=تجيبك لي هبايب نجد حلم وطيف وتودّي
مداهيل الصدر ساحه ويسبح في سماه اسراب=وانا ما اخالف الاسراب لو حضي وقف ضدّي
انا ما همني جرح الزمان وحرقت الاعصاب=تحملت الجروح النازفات ولا انكشف سدّي
بنيت من الهيام خيام وضلوعي هي الاطناب=ولا هز الكيان الخوف وسهومه على حدّي
عتابك لا وانا كلي عليكي با الخفوق عتاب=وانا اقول العتاب ازمه تمر البال وتعدّي
مادام انتي شبيه اللي غيابه للوضوح غياب=غيابك ما يبعدني ولا صدك ولا صدّي
ترا ما جيت يمك ريب لو كل البشر ترتاب=رضيتك لو معاي الوقت متهاون ومتحدّي
رضيتك والرضا من خاطري لسلوبك الجذاب=امانه يا هبايب يا غلا ردي علي ردّي
العضو الأكثر نشاطاً هذا اليوم 
العرض الشجري
