وفـي راس تنـورة يدفّـن جنايـز.... سنه الطبعه .!.!

السلام عليكم ورحمه وبركاااته

بعد صراااع مع صفحاات النت لقيت هالقصه والقصيده............. اتمنى تتونسون معي هع

هذي قصة اللي يسمونه سنة الطبعة التي جرت احداثها عام 1344هـ .؟

لقلة مصادر الرزق التي كان الأولين يبحثون عنها للعمل بها كان ركوب الغوص من بين تلك الاعمال والتي لا تخلو من المخاطرة والمجازفة ؛ فأمواج غبات البحر خطيرة!!؟
وعندما ينتهي الغوص ويعودون الى البر فإنهم يحصلون على خيرات من الله ؟
وعندما يعود هؤلاء الى ديارهم وقراهم فإن اهلهم واقرانهم سيلاحظون اثر الخير والنعمة عليهم ؟ قالوا ماشاء الله هالثياب الزينة وهالبشوت الكشخة ؛ عادة يلبس الناس الشماغ وهو السائد بينهم ؛ اما الذين عادوا من الغوص ومعهم ما معهم من الربيات فإنهم يلبسون الغترة ، او غترة الشال ، غترة الصوف او زبد الرخال !؟ فاللي يلبس الغترة يعتبرون انه غني ...
عاد يسألونهم اقرانهم : منين لكم هالخير ؟ قالوا : رحنا واشتغلنا بركوب الغوص شغله خطرة وان الله سلم فأبشروا بالخير .؟
تعلقوا الوكاد كلنب له شغله ؟؟
هذولا اهل الغوص وبسنة من السنين اي في الخامس عشر من شهر ربيع الأول
من عام 1344هـ ؛ يسمونها ( سنة الطبعة ) في الخليج !؟
والطبعة هي اعصار من هالأعاصير اللي نشوفه تضرب سواحل الأمريكتين ؛ وما تخلفه تلك الأعاصير من دمار شامل ! راساً على عقب ؟ وراءها !!؟
المهم جا اعصار الطبعة وتقلبت السفن اللي بالخليج من قوة الإعصار .؟
استشهد على اثرهـ خلق كثير من اللي راكبين الغوص .؟
لأنه وفي هذهـ السنة تحديدا ً وفي هذهـ الحملة كانت المراكب واجد والعمال اللي تعلقوا بالغوص ايضا ً عددهم كثير .؟
كل شي انتهى بدقائق او اقل قليلاً .؟
ومن سلم من هذهـ الكارثة فإنه معزول حيث لم ينتهي يومه بعد .؟
كان ممن نجوا من الموت المحقق الشاعر / ناصر بن حماد الوهبي التميمي
راعي مصدة من هل الدوادمي ..

يقول بقصيدة عن هذهـ الكارثة .. يثبت الواقعة وتفاصيل احداثها :-





انا مـا تهيالـي بعمـري وهالنـي
سوى ليلة يقلب شعر من حكى بهـا
يوم على الديبل تطبع بـه الخشـب
وكم غافل جت قدرتـه مـادرى بهـا
ضربنا بنصف الليل بنصف من الشهر
شهرنـا ربيـع اول بعـدة حسابهـا
في عـام اربـع واربعيـن وثـلاث
والف من الهجرة لمـن لادرى بهـا
دالـوب غربـي مـن الله مـديـره
ثـلاث ساعـات ينفـض ربابـهـا
والى ضرب بالموج موجـه يشيلنـا
وشفنا الهوايـل يـوم زاد اقتلابهـا
في غبة والموج يركب علـى الدقـل
يـوم هديـر القـوع يقلـب ترابهـا
تفرقـوا مـن غيـر عقـد وجيـرة
ونفوس زلـم مـا يعـدد حسابهـا
كم جالبوت بـاول المـوج سمّـرت
وضلعت جزاويها وقصـت خرابهـا
ياما غدا بـه مـن صبـي وشايـب
ومن نوخذ غالي ومـال غـدى بهـا
واهـل الكبايـر عمهـا الله بذنبهـا
جمعها بوسط الهير واذهـب ذهابهـا
ولو ان والـي العـرش زاد بدقيقـة
ماراح منهـم مـن يـرد بجوابهـا
مير انزل الرحمة وشـرّد عشيرهـا
تسعـة اسهـوم راح فيهـا ومابهـا
لاهـوش غلمـان نهوشـة ونمتنـع
ولاقارة فـي البـر نزبـن هضابهـا
وفـي راس تنـورة يدفّـن جنايـز
وفي كل سيف يذكرون الغثـى بهـا
وخـلاف ذا ياراكـب فـوق حــرة
عمليّـة ناقينهـا مــن ركابـهـا
وادخل عليها السوق اشتر شنودهـا
وخفـف عليهـا لا تثقّـل زهابـهـا
اشتـر عقيلـيٍ ونـطـعٍ وجـاعـد
مع بدرة قيسك مـن المـاء شرابهـا
وخله مع الطاروق تضرب بك الخـلا
مـع عبلـة خـل يتطـارد سرابهـا
وملفـاك نجـدٍ مغيـرة كـل منكـر
قواّمـة للديـن تهـفـي رقابـهـا
دارٍ لنـا للضيـف تـدّي حقـوقـه
مـا بيّعـت فنجالهـا فـي شبابهـا
يجيك كل مشـورب يطلـب الخبـر
ينشد عن الطبعة وش اللي جرابهـا
ينشد ونابـه غـارسٍ فـي ابهامـه
وصـدره مقابيسـه تواقـد لهابهـا
وكم عيطموسٍ تنثر الدمـع عينهـا
من عقب الإثمد والطرب في خضابها
طوت ياسها عقب الرجاء من حليلها
ومن حبهـا غـلّ المـودة لجابهـا
تبكـي عشيـرٍ مرمسـات علومـه
تبكي وهي مـا فللـت فـي ثيابهـا
وإن طاولت جينا وشافـوا وجيهنـا
ونفوسنا الوالي علـى مانـوى بهـا
تمت وصلى الله علـى سيـد البشـر
عداد ما سـار القلـم فـي كتابهـا