ودآعـي

دخول

هذي نهاية حب بانت مواريه
الشمس أقرب في مواصلك منا

مال الجفى ياناعم الخد داعي
.. .. .. .. ..لي نفس تجفى كل نفس ٍ جفتها
إما إنتوافق في جميع المساعي
.. .. .. .. ..وإلا عسى الفرقى تحل بركتها
دام الشعور اللي بقلبك صناعي
.. .. .. .. ..عافت طيور اهل المحبه شجرتها
باعت وصالك في يدين الضياعي
.. .. .. .. ..وتخيّرت ليلة ظلام وسرتها
قطع البحور ولا حياة الجياعي
.. .. .. .. ..أرض الفقر ماتغني اللي سكنتها
فقر الحنان إللي عليه إلتياعي
.. .. .. .. ..لوعة من ضروف الزمن عاندتها
واليوم سميـّت القصيده وداعي
.. .. .. .. ..وزهور حبك غصب رجلي وطتها
على دروب البعد زاد إندفاعي
.. .. .. .. ..ومشاعري كف الهجر صافحتها
رسايلك عجزَت تحرّك شراعي
.. .. .. .. ..سفينتي تبحر ولا عبرتها
لو المفارق مثل سم الأفاعي
.. .. .. .. ..أخير من نفس القطاعه صفتها
يمنى الكريم ليا عطت بإقتناعي
.. .. .. .. ..ماتنشد اليسرى عن اللي عطتها
وأهل الوشايه مثل سقط المتاعي
.. .. .. .. ..لقايط ٍ ماسرت اللي جمعتها
أوادم ٍ لكن بطبع الضباعي
.. .. .. .. ..تهوى الجيَف وتحب ريح عفنتها
وإلا الذيابه عزمها بإرتفاعي
.. .. .. .. ..تحدت الشدهـ إلين إقهرتها
تسري الليالي بالفجوج الوساعي
.. .. .. .. ..وكثر الكلاب النابحه ما حدتها
نصيحتي مادام لك عقل واعي
.. .. .. .. ..هذي بيوتي ميّزي ما حوتها

خروج

دام إفترقنا وش تفيد المشاريه ..؟
عادي حبيبي عيش وقتك معنآ

للشآعر / فهد آلعبآري