| | مِــنْ نِسَى مَــن ...• | |

صـــمت ياصمتي !

من .مِن الفرقا تأثر..!
وضاع أكثر..

وأنكسرفنجان صبحه!
وشاخ أكــثر..!
ومابقى له حلم يذّكر..
من نسى من!؟
ومن تعثر..في ظلاله..
لامشى وحده

يحتري موته لحاله!
من نسى من!

نسيتني وأنت مافارقت شرياني
وأصبحت منك وفيك بصمت منسيه!

أهديتني غربتي والقلب وحداني
من قبل أعرفك وأنا بالضيق مبليه !

أدري كذبت ولويت بذكرك لساني
ولاحدٍ سألني عليك أقول موليه!

حاولت اضلل عليك بزيف نسياني
وأناأدري إن شمس حبك في الحشا حيه!

ولاأشتد عصف الجروح يكسّرأغصاني
أصدها وأنكسر قبل أرفع إيديه!

أغص فيني!!وأناأشرب لجلك أحزاني
وأقول بكره لوجهك والفرح جيه!

علمتني لاضواني ليل حرماني
أذبح قرابين صبري وأحسن النيه!

علمتني كيف ماانسى يوم تنساني
وكيف أطرد غيوم صيف مالها فيه!

علمتني لادعاني الشوق وأشقاني
أحط موسه بصدري وأتبعه كيه!

علمتني لين جرحي منك أغناني
مهما تعاظم علي أقول ياحيه!

علمتني كيف ابررفيك خذلاني
وأقبّل تراب حلم عنه منفيه!

الحنين
أكبر خطايا للغياب

وأعذب عذاب..

في ليلة الجرح
والعمر الحزين..

الحنين إنك تذكرثم
تبسّم لأحلام

صارت
من
سراب..

الحنين

تراتيل الحنين تشق صدر الليل وجد وشوق
وانا لاجيت ابي للحلم صبحٍ ذبلت عيوني

تقاسمني الجروح وكن قلبي لجلها مخلوق
وأكابر لا ضحك ناب العذاب وحال من دوني!

واش يفيد أن حرسني هالفجردام الفرح مسروق
واش يفيد أن نطرتك ياربيع وخانني لوني!

قبل كم جرح ودموع وذبول وطعنة بعروق
انااذكر كنت اغني للبياض وغيمتي عوني

أنا أذكركانت عيوني تطالع حلمها من فوق
وتضحك لي ملامح كنت أحسب إنهم تمنوني

أنا أذكرماشكيت وقلت صدري ضايق ومخنوق
ولاقلت ليدين ماتصون لعهدها صوني!

ولو ثارت علي دموع قلب راح حلمه بوق
أغني له وأقول اللي نسوني يوم ويجوني!

أزين للسنين السود وجه بالغدر محروق
وأشيل هموم عمرٍحملها كلت به متوني

تعبت أكذب على نفسي بأن اللي رحل ملحوق
مع إن اللي رحل ماهمه إن كان أحترق كوني!

تعبت ومابقى لي غيرجرح ٍحط ضلعي طوق
تأوى به وأناماودي أكسرخاطر طعوني!

بأخاوي جرحي اللي من وفاه أحس عنده ذوق!
يسامرني ويبكي لاذكرمن يوم خلوني

ولوهب الحنين وشق صدرالليل وجدوشوق
باعذره دامني من يومها مانامت عيوني!!

الحنــــــين
إنك ولاشيء

في قلب
حبيته وغاب !!

* لِ آشتيَآقْ النآصر




أتمنى ترتقي لذآئقتكم