يا اللي طرقتي على باب الخفوق

يا للي طرقتي على باب الخفوق ادخلي **** قدامك الجرح بكفوف الحنان اضمديه
فتحت لك باب قلبي يا غلاي ادخلي **** قلب احتضنك ويحبك بالوصال اسعديه

من طرف عينك على صدري سهوم ارسلي *** والشوق في قلب من يغليك نار اوقديه
سهم الغلا والمحبه والغرام ارسلي **** غيم الوله في سحاب الحب حيل ارعديه

اذا امطر الشوق برعود الغلا واصلي **** خليني اروى حنان وكل خوف ابعديه
اللي طرقتي خفوقه يعشقك واصلي **** جناح الأشواق في عالي سماه افرديه

الله يا كثرحبك يا الغلا داخلي **** جسي بأناملك نبضي والوريد انشديه
ويقول تجرين مع دمي وفي داخلي **** قلب احتضنك ويحبك بالوصال اسعديه

http://www.youtube.com/watch?v=JqcTKtZXqUc