خوية البران في بيروت !

الللللللللله حيهم ...

كل مره بحط لكم وحده من مغامراتي المحلية والدولية

واليوم بكتبلكم عن مغامرتي مع بو هزاع ( بو العيال ) في بيروت عاد مقدر اسولف الين تتقهون ...

الجزء الاول:

زززززين هذا الله يسلمكم ويسمنكم كنت جالسه مع بو هزاع جلسه عائلية وديه نشوف هالتلفزيون، الا بالصدفه تطلع لنا وحده كأنها جنيه كل ضرس يقول الزود عندي والشعر ليفه صفره، انا على بالي دعايه حفظات جديده للبرزارين او ليفة جدور، اثاري الشينه طالعه تعلن عن تخفيضات لبيروت، التفت يساري ماشوف الا بهزاع عيونه طالعه على التلفزيون ، وقشور اللب نشفت على براطمه، واستكانة الشاهي جالسه تترقص بيده شمال ويمين، صرخت فيه : بو هزاع ووجع وش علامك مفهي في ذي الجنيه؟

بو هزاع: ها لا ولاشي انا عزمت اسافر بيروت كمن يوم عندي شغيله ؟

خوية: اقول لا شغيله ولاهم يحزنون رجلي على رجلك يلا بقوم ازهب الشناط ..

بو هزاع: لا دخيلك انا بروح مع خويي حمود نبغى انشوف اراضي بيروت اذا زوينه اشترينا منها وبالمره انشوف الاسهم اللبنانيه بصراحه انفقعت مرارتي من اسهمنا

خويه: اقول لا تكثر ... انا جايه معك يعني جايه معك

وزهبت الشناط وحجزنا التذاكر وانطلقنا الى بييروت ... وبعد مشقه وتعب وصلنا بيروت خلصنا الجوازات والدنيات وخذينا تاكسي يوصلنا للفندق المسجل عندنا، اول مركبت الا سايق التكسي يبصبص لي ويلعبلي الحواجب عاد الله والحواجب كل حاجب كأنه بكرت خيط، طنشته لكن مصر يطالعني وفجأة شغل اغنيه حتى على ما اذكر كانت ( دبكه لبنان ) :

http://song1.ozq8.com/music/arabic/l...m/feyroz30.ram

شوي وفلها الشيخ وقام يتكلم: اهلا وسهلى بأهل الخليج شرفتوا لبنان

محد عطاه فيس بو هزاع منسدح وفاغر ثمه وانا اناظر الشوارع .. قال: من السعوديه والا من الكويت يامدام؟
قلته من جهنم خلك بطريقك احسن لك ... قال: دكوغ مدام ... بس بيعجبوني نسوان الخليج هيك بيفشوا القلب
قلت له : وجع رصاصه بقلبك وعطيت بو هزاع كوع عشان يجلس ويشوف هالمصيبه بلى يبليه ..
فز بو هزاع: ها وش فيك يامرا وينها صوفي ؟

خويه : هاااااااااااااااااااااااااااااااااااااااه؟ من صوفي

ارتكبك بو هزاع اتهاوشت معو فقال لبناني: دخيل اسمو هالرب شو مهظومه

قلت له : انت عاد انطم شايفني علبه سفن آب ياللي ماتستحي

قالي: بصراحه مافهمت شي غير السفن آب هههههاهههها

قلت له : فكنا ياوجه العنز حنا غلطانين جايين عندكم من زنكم عاد ... وانت يابو هزاع حسابك بعدين قال صوفي قال ...

بو هزاع: يامرا انا اقصد مسجد إيليا صوفيا في اسطنبول ... :p

خويه: لا مثقف والقرايه مقطعه بعضها يابن بطوطه

المهم وصلنا الفندق اخيراً وطلعت في وجهنا وحده لابسه ومو لابسه الشحوم واللحوم منوره الزند بصوب والكرش بصوب والحاله حاله، قالت لابو هزاع: ولعلي الزقاره. طمرت بوجهها: قلت لها جعل يولعونك بنار جهنم الحمرا انقلعي اها عاد، قالت: ياي شو هايدا انا مابدي شي من زوجك بس بدي اياه يولعلي الزقاره .... قلت لها: يالمزينه حنا مو قهوة حسنين القطو نولعلك زقاره وشيشه اتوكلي ... قالت: او لالا شو هايدي العالم مابصدق في ناس هيك ...

بو هزاع: زين سويتي انا اساسن خوفت من جثتها احسبها مو مرا

خوية: العن ابو الترقيع ياشيخ ...

بو هزاع: هيهيهيهيهيه

ورحنا بعدها للغرفه وتوني بحط راسي على المخده من تعب السفر ... الا جرس الباب يدق تنتنتنتنتنتن تنتنتنتن

قلت لابو هزاع افتح الباب يمكن جابوا لنا العشا ... مرت خمس دقايق قلت الرجال انخطف لاحس ولاخبر، لبست البرقع والعباه وفتحت باب الغرفه عشان اشوف هالرجل المفهي وين راح اثاريه واقف مع وحده وجالس يسولف معها ومستحي ومره يكتف اليدين ومره يتخصر ومره يمسح على الصلعه ... ماتمالكت اعصابي ... و ...

الحلقة القادمة اقولكم وش سويت في بو هزاع واللي معاه ...

بايوووووووووووووووووو