فطائر خفيفة بحشوات مختلفه

العجينه :

2 كوب طحين

2 م ك حليب بودره
ربع م ص خميره
م ك سكر
2 م ك زيت ذره او زيت زيتون
شوي ملح
3/4 كوب ماء


الطريقه :


نخلط كل المقادير سوا ماعدا الماء فالاخير نضيفه بالتدريج لحد ماتصير عندنا عجينه لينه

ممكن تحتاجين نص كوب فقط اذا لانت معك ادهني يدك بزيت واعجني كويس

بعد كذا كوريها كور قد البيضه وادهنيها زيت وغطيها عشر دقائق


نجهز الحشوات :

حشوة بيتزا : زيتون - فلفل بارد - بصل أخضر - صلصة البيتزا - جبنة تشيدر وموزاريلا


حشوة جبنة حلوم : زيتون اسود شرايح - طماطم مكعبات صغيره - جبن حلوم مشوي ومقطع شرايح


حشوة كيري : جبن كيري مهروس بشوكه - م ك زيت زيتون - نعناع مفروم - فلفل بارد مفروم -


حشوة اجبان : انواع الاجبان اللي عندك واضيفي لها فلفل ملون وحار مفروم


حشوة النقانق : نقانق مفرومه نقلبها مع بصل مفروم وفلفل بارد مع شوية زيت .
بعد كذا نضيف لها مربعات جبنه لحد ماتسيح


والكثير الكثير اي حشوه تحبينها وعلى حسب الوجبه فطور او عشاء

بعد مانجهز حشوتنا نبدا نفرد الكور بعد ماندهنها بشوية زيت

تصير بهذا السمك






نحطها عالصاج تيفال ونخلي الحراره اكثر من المتوسط بشوي الى حار


اذا تبينها تقرمش خليها على نار وسط لحد ماتشقر ..





نشوفها اذا شقرت زي كذا نقلبها ..






نبدا نحط الحشوه في نص الدائره


نسفطها نصين ونضغط بالملعقه على الفطيره ونقلبها عالوجهين لحد ماتشقر كويس وممكن تضربينها بالملعقه عشان تنفش شوي اذا ضربتيها راح تلاحظين انها تنتفخ شوي زي الخبز ..


تاخذ 3 دقائق تقريبا اذا النار حاميه يعني خليك سريعه شوي عشان ماتحترق






نقسمها بالنص عشان تبان الحشوه

و بالعافيه عليكم احبتي