يَ رـاحلهـ ..

:
:
:
يا رَاحلَهْ بَعْدك تَرَا خَيّم عَلَـى الدّنْيَـا سُكُـوت

والشّاعِر اللّي يَعْشقِك فِي دَفْتَرَه يَنْزِف دَمَـه..!

يَا رَاحِلَه عِيشِي الحَيَاة وْخَلّي العَاشِـق يمُـوت

حطّي خَنَاجِرْ رِحْلتِك ثُمْ قُولِي اللّـه يَرْحَمَـه..!

يَا رَاحِلَهْ عَهْد ٍ عَلَي مَا للحَنَاجِـرْ أَيّ صَـوت

وإنْ قَالَو إنّكْ ظَالِمَه بَقُـول مَاهِـي ظَالِمَـه..!

وإنْ قَالَو شْلَون رْحَلَتْ بَقُول هَالدّنْيَـا بُخُـوت

أَنَا رَضِيت بْقِسْمِتِي والبِنْت كَانَـتْ حَالِمَـه..!

يَا حَالِمَه خِذِي الحَذَر بَحْر الهَوَى كلّـهْ يُخُـوت

لَبّي اليُخُوت اللّي تَصُون أَهْل القُلُوب الهَايِمَه..!

وإلّا اليُخُوت العَايِبَـه كَمَـا شِبَـاك العَنْكَبُـوت

تِطِيح فِيهَا لِلأسَفْ قُلُـوب كَانَـتْ وَاهمَـه..!

وإنْ ضَاقَتْ الدّنْيَا عَليَك تْذَكّرِي هَـاك البِيُـوت

اللّي نَظَمْهَا شَاعِر ٍ صِدْق المَعَانِي لَهْ سِمَـه..!

تِذَكّرِيْه لْيَا بِكَيْتِـي وْصَـارَت الدّنْيَـا سُكُـوت

لِيَا لِقَيْتِي خَافِقِكْ مِنْ حَسْرِتَهْ يَنْـزِفْ دَمَـه..!