ياللي النحل رايح وطي عند فمك

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


جآلس أقلب " ذكريآتي " وأحاتيك=وأحسْ بكْ فرحان فـي حضن أمك
وأحس الأشياء كل أبوها حواليك=من فرحتك تبغى تجيك وتلمك
بشويش حتى تذوب من بين أياديك=وتذوب بكْ وتذوب وتظل يمك
تتنهد أنفاسي هنآ .. وأنشغل فيك=ياللي العطر وده ( يجيك ويشمك )
محتار أفكر يوم أشوفك وش أهديك ؟=أهديك كل الكون ؟ ولا أضمك ؟
ضمة طِفل أنفاس شوقه تنآديك=تخصك بكـل الكلام .. . وتِعمك
ومن لهفتك " دمعك " يبلل حكاويك=واغرق أنا والشوق وأطراف كمك
واهمس بشويش : يابعد روح مغليك=مو عيب تبكي دام أنا الحين يمك ؟
وأعض أذنك لجل تضحك وأهدّيّك=ياللي النحل رايح وطي عند فمك
بس خايف إنـي بعدها .. ما ألاقيك=وتروح تنساني وماعـوّد أهمك
لذلك إن شفتك وربـي .. مَخليك=بجري بجسمك مع " كُريآت دمك "
عشان ماأحاتي غيابك وأحاتيك=على مـدار العمر أكون يمك
والحين يالله نام .. لكن مَاأوصيك=بوّس لي عيونك وسلم على أمك
[/poem]