اهدي لكم هذه المتواضعه
وأتمنى ان تنال إعجابكم
*
**
***
*******
***********
***************
ياعديل الروح روحي رايحه
وانتهيت ولا شكيت اللي جرى
ومن على وجهي علامه واضحه
إنني اسعد بشوفك يوم أرى
يوم أشمك بالعطور الفايحه
يرتوي ضميان ماعمره روى
وكل ماراعيك أقرى الفاتحه
خوفي اني انظلك ياهل ترى
أنتي اللي بالعذارى ناجحه
ياجميله يانحيله تندرى
ياصغيره ياغريره جارحه
ياعفيفه ياخفيفه تنشرى
سعد منهو يهتني بمطارحه
عن سموم وبرد ياهي له ذرى
لو يقولون العواذل صارحه
قلت خلوها ليوم المحشرى
مادروا انه بحبي شاطحه
وعهدها من يوم كنا بالقرى
ليت لو تاتي بفرصه سانحه
كان أبوح بشي ما احد به درى
الدموع اللي بعيني فاضحه
والجروح اللي ضميري به سرى
آه واويل الحظوظ الطايحه
من الطعون اللي صويبه مابرى
*بقلميــــ
حميد الشمري
العرض الشجري
