حبيبي عاشقك معذور والله لو يجيه هبال

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تقهويتك وله لو ماتقهويتك بصفر دلال=تهيلتك هـواجيس وقصائد حب منثوره
اهيجن لك بطرقٍ غار من مسحوبه الموال=حديت اغلى مغاتير الغرام وجتك منحوره
تذكرت الجديل اللي تـموّج كـنّه الـشلال=وخد ٍّيجهر البدر بـسناه ويجرح غروره
وطهور الرمش يرسم له على الوجنه غطى وظلال=واذا سلهم يجرِّحه الـنعاس وينقض طهوره
حبيبي مابقى للشعر شيٍ يوصف وينقال=ليا أختال الحور بعيون مفضوحه ومستوره
سحرني كـلّ شـيٍ فيك والسحر أغلبه قـتال=وتماديت وذنوب الـسحر فـي القرآن مذكوره
حـبيبي عاشقك معذور والله لو يجيه هبال=ليا صار العشق شيخٍ يسير العاشق بشوره
احبك ايه احبك ياغنى عمري وراس المال=لك بـقلبي بـساتين ومشاتل حب ممطوره
لطيفك من سموم القيض في عين الوله مقيال=واذا قصّرت يعذرني ترى كلن وميسوره
أهـلّي بالجروح اللي غـدا صـدري لها مدهال=واقلّـطها بروحٍ من رداة الحظ مقهوره
واداري حيرة العبرة واكابر واقهرالعذال=واذا طرّوك قدامي نخيت وقلت أخو نوره
انا والله لـزومات العواذل والرجال رجال=وأهل الأمثال قالوا يبخص القناص بطيوره
ماحد يقدر يعلّق في خيوط العنكبوت جبال=ماحد يقدر يهدّ ديار لك بالقلب معموره
يجونك ناس والدنيا معاك ريال تسوى ريال=واجيك ولا معاي الا ّقصايد حب منثوره
[/poem]