بــــلآش تــــعــــــــــــيــــــــد..؟؟

بلاش تعـيد وتـزيد الـسوالف وانـت ما يـمديـك
طريقك صعب واحلامك بعيده والغرور اعماك

تعاتب وانت ما تـدري خفوقي وش كثر معطيك
على كـثر العـطا حديت قلبي للفراق وجاك

اجـي لـك من هـنا وتصد عني واعـذرك واجيـك
واجي لك من هناك ونفس ماجيتك هنا وهناك

صحيح اني سمعت بطاري الموت ولمحـته فيك
ولكن قلت ابسري واغـنـي لك على ليـلاك

واجيك حـب عن كل القـلوب العاشقـه يغـنـيك
اصيح القـلب ما يغـلى عليك وماتبي يفـداك

عقب ما انهـد حيلك والهوى جـابـك على مغليـك
بدا المـشوار واللي بقى من عمري بـدا ويـاك

لقيتك ضامي احساس وقصايد قلت اجي واسقيك
ابكسب فيك اجـر و الا القصايـد فيك وبلـياك

تصـور من كثر ما اردد اسمك لا طـرى طاريـك
اصوت لك على الطـاري بلا وعـي وبـلا ادرك

مشينا بالغلا لا خـوف ياخـــذنا ولا تـشـكـيـك
وفجاة من ردى عقـلك طـغيت وغرتك دنـياك

قسى قـلـك وبعـد ما تـدري ويـن الـله مـوديـك
تبعـتك لا خـر الدرب الطويل و ماقصرت اخـطاك

احاول اهـدي فـيك وادري ما الـله بهـاديـك
مع اني صرت احاول ليـن ماجبت اولـك واتلاك

نصحـتـك واكـتـشـفـت ان الوفا بالذات ما يعـنيك
اجل ذنبك على جـنبك على ما تفـعله يمـناك

اعرف انك بديت الحرب من نفسك واعترف انهيـك
واعرف سلاحك الفتـنه الـيا وصـلت اقــصـاك

تلمح بالجفا مـدري وش الـلي بالجفا يغريـك
عسى الله ما يحدك للجـفا يـمي ولا يـبلاك

تـولـم لـلفـراق ولا تـفـكر تـرجـع لماضـيك
وحرام ان ماجعلتك تصفق اليمنى على يـسراك

انا ما قـول كلـمه وارجـع اسحبـها عـشان ارضيـك
مدام رضاك في كسرة كلامي لا بلاش رضـاك

ترى ماني صبي اهلك عشان اخضع وابوس ايديك
عسى تنهيني الدنيا لو اخضع واضعف لشرواك