مانيب انا ديانا و لانيب انا كيت !!

السلام عليكم ورحمة الله وبركاته



كيبورديه ارتجاليه سمّوها اللي تبون
جت ولا ادري كيف جت
لكن حبيت احرّك جو القسم شوي بهالابيات الخفيفه
للترفيه والترويح عن النفس . فقط لاغير ,,

تفضلوها واستروا ما واجهتم






لا نيب انا ديـــــانا و لا نيب انــا كيت
--------- و لا نيب أميــــره بــس اميرة خــيالي
صحيح ماعرف في اصول الاتيكيت
--------- و لا عمري استخـدمت فن احتيــالي
ماغير اسطّر للشعر بيت مع بيت
--------- و اكتب قصـــايد في حبـــــيبٍ مثـالي
أحلم معاه اعيش و اقول يـــا ليت
--------- تتحــــــقّق احــــلامي و يرتــــاح بالي
مابي مثل ويليام أميرن وله صيت
--------- و كل البنات تقـــول ليتــه حلالي
مابي سوى اللي كلما اقبلت اوجيت
--------- يفزّ لي قلـبه و ان اقفــــيت جا لي
اللي تـــربّى مثل مـا انّي تـــربــــيّـــت
--------- على الكرم والطيب له شان عالي
هذا أميري في خــــيالي و حبـــيت
--------- وصفه وهو ما جا وبالحيل غالي
وان كان جاني مثلما انّي تمنيّت
--------- هذا فضل ربي كــــــريم الجـــلالي
وان كان شفتوني بحكيي تماديت
--------- لا لا تلومــوني و لومـــوا هبالي





وسلامة قلوبكم