أعــذر مــن أنــذر

أعذر من أنذر

أعذر من أنذر .. وأنا ما عادني عاذر


حذّرته .. وما خذا من زلّتـه حـذره


ماني عن المعذره حالـف ولا نـاذر


لكن كبير الخطايـا صغّـرت عـذره


كم قلت له يحتسـب للهرج ويحـاذر


لا ياخذ لسانه وسمعه علـى الهـذره


لكنه أمسى على حكيْ الوشـا هـاذر


وأصبح .. مسيل العواقب مقتلع جذره


يا مواجهه .. قلّه إن الصُلْح متعـاذر


وحفل اعتذاره سُموعي عنْه معتـذره


وان جاتني شرهته .. مثل البذر لا ذِرْ


اللي زرع له شعيرٍ مـا يْحصْـد اْذره


ولو السما تستحي من شرهة البـاذر


مبطي (حيا) هالسحايب منبتٍ بـذره


ولو شافني صابر وساكت ومِتحـاذر


الصبر له منتهى .. والسيف له شذره


ومن لا قطع ذِلّته في سيفه الشـاذر


أجهز عليه الهـوى بألعابـه القـذره


فـاْن كانه أقنعني بعذره .. فاْنا عاذر


لكن بالأول .. كرامة نفسي اْتعـذره

للامانه منقوله