{{ ديوان الشاعر ميزر بن طواله }}

يـابـو قـذلةٍ هلَــــه ..
http://www.b3b7.com/vb/showthread.php?t=92259



[poem=font=",6,gray,bold,italic" bkcolor="black" bkimage="" border="inset,4,silver" type=1 line=0 align=center use=ex num="0,black""]
غبت وأشغلتني حسبـي عليـك الله=
ياحبيبٍ بنصـف الـدرب خلانـي

طاف ثالث شهر ما شوف لك طلـه=
كيف تقدر على بعـدي وهجرانـي

وين قفيت؟ وأنـت الفكـر تحتلـه=
ما توقعت انا فـي يـوم تجفانـي

ويـش غيّـرك يابـو قذلـةٍ هلـه=
يمكن أعماك هرج افلان .. وفلاني

أول أخطي عليك..وتدمـح الزلـه=
ما تشوف الخطأ يوم أنت تهوانـي

كنت خل(ن)صدوق ويشفـق لخلـه=
وكنت نور(ن) يشتت وحشة أحزاني

وكنت سر(ن) واخاف الناس تفطله=
أحفظك في سماء فكري .. ووجداني

وكنت بعيونك اشـوف الغـلا كلـه=
وكنت تشتاق وتضحي على شانـي

لكن!! اليوم أشوفك صابتـك علـه=
كل ما جيت فـي دربـك تعدانـي

صح بعـض الاوادم مالهـم ملـه=
أخر الوقت.. تذكرنـي.. وتنسانـي

صعب مثلـي تعـذب فيـه وتذلـه=
روح وقّف هناك بصـف عدوانـي


وكان ذكـرى هوانـا مرّتـك قلـه=
صاحبي بعد نصف الدرب خلانـي
[/poem]