( تحبّك العافيه ) .. !

،



السلام عليكم و رحمة الله و بركاته ,

عبره :

لو كنت مهدي لـ ليل وصالنا , قمرى !
ماكان جفّ الخفوق وشآنت أوضاعي

أسف على الحب والاشواق والمسرى
وشكرآ على كل حاجه , مالها داعي

توتر :

يامرحبا فيك وسنين المواصل عجاف
توّك على بال شعري واوّل القافيه

إيه البقى لـ القصيد اللي ملاني إختلاف
من غبت عنّي ! حروفي كانت الكافيه

علّمتك إن الجسد يحتاج ( ستر وعفاف)
وإن الوفا والمحبّه تجلب العافيه

وعلّمتني من ليال البرد , وشلون أخاف
وعلّمتني وش تكون الطعنه الوافيه

أنته من ورود حلمي تقطف اللي تعاف
وانا رجولي على رمضى الجفا , حافيه

مع كل دمعه يثور بـ داخلي ألف قاف
ومع كل بسمه ! تجيني ضيقتي لافيه

كنت أتمنى لقانا يحتضنه ( الزفاف )
وصرت أتمنى نغيب ! بـ نيّةٍ صافيه

ومع خالص الجرح والتلويع والاعتراف !
ماكنت قد الوفا وأحضاني الدافيه

أقسى جروح الهوى لاصرت منها تشاف !
فـ عيون منهو تحبّه والعدا الهافيه

وأٌقسى شعورٍ يسبب في خفوقي جفاف !
لاقلت : أحبّك ! وقال : ( تحبّك العافيه )

دمعه :

هذآ جفآك ولاحت بروقه
إخذي سمآك وفارقي فجري

ماكنّتي نبض القلب وعروقه
كنّتي ورق يحتاج له حبري

منقول