][ .. دمعة اللولو .. ][ .. فيديو كليب .. ][ .. !

يا حروف ٍ عامت فـْ بَحْر القصايد
.......... دمعة اللولو متى ناصل مداها ؟

أبْحري دام الهوى قاسي وكايد
.......... والصعايب تهْتوي روحك كداها

مرْكبك دفتر ومجدافك ( وسايد )
.......... والحبر دمّ ٍ نزف يومه شـداها !

ساقتك موجه على درب الشدايد
.......... والأماني صرْخة ٍ يبكي صداها !

إكتبيهــا ملّت طْعـون وْلهايد
.......... خانها الداني وقاصيها فـداها .. !

وش بقى من عرْسها غير القلايد
......... والمكـــان اللي فضى في منتداها

مع شقـاها عانت سْلوم وعوايد
......... إعذريها لو عنـــا الهمّ ارتداهــا

يا نديّه يـا ندى مـالك ندايــد
......... وجْنتك وردة حـلا يقْطر نداهــا !

جاوبيني كلّما تشكي القصايد
......... كلْمتي ماتت وهي تطْلب جداهـا !

سَـلِمـت أنـآملِك عَلـى الكلِـمآت الرآقية ،،
جِـدّاً صـآدِقـة وَمُعبِّـرة
،،
أشـكُركِ عَلـى هذِه ألآبيآت الإبدآعـيّة بِحـقّ
لـآ تَحرِمـنآ مِـن عِـطر كَلـمآتِك دوماً
دُمـتِ فـي‘ حِـفـظ الله ورِعـآيَتـه‘