قصـة منــآل ورائد

(من ولاية كالفورنيا )
(رائد مع منال طالعين في الملاهي)
رائد : ها منوله تركبين هذي اللعبه ولاتخافين ؟
منال : لا مين قال اني اخاف بس مابي اركب ( وخدودها محمره )
رائد : أي أي ادري ماتبين تركبين انا اقولك بتركبين معي
منال : اممممممم طيب بركب بس خوفي والله انت الي تخاف
رائد : لا جد والله يالله يالله قدامي
( منال ركبت وقلبها يدق .....اشتغلت اللعبه )
( منال مسكت يد رائد بـ اقوى ماعندها ... ورائد حس بالم في قلبه بس سكت عشان منال ماتخاف اكثر............وقفت اللعبه )
منال : شفيك خفت ؟
رائد : هههههههههههه والله مدري مين الي خافت تدرين يدك علمت على يدي
ورفع يده عشان تشوفه منال
منال: هذا مني؟؟؟؟؟؟؟؟
رائد : لا من وحده غيرك
منال : لا والله مني انا اشهد انه مني
( رائد حس بدوره في راسه ماقدر يتمالك نفسه وطاح على الارض )
منال : ررررررررائد شفيك ....شصار لك يارائد قامت تحاول تسند رائد عليها
وتجمعو عليهم عائله امارتيه ....وثنين من عيالهم شالو رائد .
حميد : اختي شفيه وش الي صار له ؟
منال ( وهي تبكي ) : مدري والله ماكان فيه شي فجاءه طاح ومدري شفيه ؟
عبيد : جات الاسعاف

(من بيت مريمـ)
ام مريم: وش فيك يابنتي لونك مخطوف
مريم: ........
ام مريم: تكلمي يابنتي خرعتيني
مريم والدموع تجمعت بعينها: يما رحت له وتخيلي طردني من بيته
ام مريم : رحتي لـ فهد؟؟
مريم: ايه نعم رحت له يما وطردني من بيته تخيلي انا يطردني من بيته
ام مريم: انتي الغلطانه يوم رحتي له خلاص هو طلقكك وماعاد لنا شي ليه قطيتي نفسك عليه فيه الف من يتمناك يابنتي
مريم(في قلبها): أي الف يما ابي واحد بس
ابو مريم(يدخل البيت ): وين رحتي يامريمو اليوم شفتك وانتي طالعه من البيت وين كنتي رايحه ؟
مريم(تناظر ابوها ولاكنها تسمعه وترقى فوق لغرفتها)
(من المزرعه)
(ماجد واقف بره جنب المطبخ يكلم تلفون وكانت شذى داخل المطبخ هو يدري انها بالمطبخ عشان كذا وقف بره ينتظرها تتطلع لما حس ان خطواتها قربت له وانها بتتطلع سكر التيلفون)
ماجد : شذى وقفي ابيك بكلمه
شذى :خير ماجد؟
ماجد: جلسي ابي اتكلم معك !
شذى : هنا .............لا ماجد مو حلوه شبيقولون البنات تاركتهم وجايه اجلس معك بعدين حتى انت وش بيقولون الشباب لما يدرون انك تركتهم وجالس معي ؟
ماجد : شذى شفيك انتي بنت عمي بقولك كلمه وبمشي مافيها شي !
شذى : طيب قول انا اسمعك بحقرهم عشانك بس !
ماجد: شذى بوصيك على نفسك وعلى دراستك قبل ماروح انتي ثالث كلها ثلاث شهور وتتخرجين مانبي نسبتك تنزل وابيك ترفعين راسنا
شذى : شفيك تتكلم بالجمع انت عادتك لما تكلمني عن نفسي تقولي انا ابيك مو حنا نبيك ؟
ماجد : سمعيني ياشذى انا قلت لك كذا عشان لما ارجع اشوفك زي ماتمنيت ..ابي اجي واشوفك في بيت زوجك ومتهنيه وسعيده؟ انا مو طماع اقول لك انتظريني انا لاني احبك ابي سعادتك مابي اوقف مستقبلك عشاني
شذى ( صفر وجهها وقلبها بيطلع من كثر مايدق): ماجد شتخربط وين بتروح انت وايش هالكلام الي تقوله ؟
ماجد : انا بسافر اكمل دراستي بره جاتني بعثه من الجامعه الي انا ادرس فيها اني ادرس ثلاث سنوات بره واطبق سنه رابعه وطبعا انا مادري اذا اقدر اخلص الدراسه بـ ثلاث سنوات يمكن احمل لي مواد وتزيد السنوات وانا ماقدر اتزوجك واروح لان انتي لسا ماخلصتي قدري موقفي ياشذى انا مسير مو مخير
شذى : الله يوفقك ياماجد ( وجلست تبكي )
ماجد : لاتبكي ياشذى
( شذى قامت عشان بتروح للبنات وهي تبكي ....ماجد مسك يدها ووقف لها ومسح دمع عيونها الي طاح على خدودها )
شذى : اتركني ماجد خلاص خلني بروح لهم.. ( تتكلم وهي منزله راسها )
ماجد : حبيبتي تراني امزح انا احبك انتي انا من حبيتك ماطلعت بره الشرقيه عشان اعرف نفسي مجنونك لو ابعد عن محيط بيتنا وبيتكم اجن وانتي تدري ...تبيني اسافر واخليك مجنون انا ...لا ولو القصه جد وربي ماخليك تكلمين دراستك اخدك وتكملين بره اهم شي عندي بالدنيا انتي ياحبيبتي

(شذى ضربت ماجد بقوه وبتسمت ومشت عنه ........)
شذى: ما احبك
ماجد( بصوت عالي ) : انا احبك كيفي


( من ولاية كالفورنيا )
( من المستشفى )
(منال واقفه في الانتظار وكانت متوتره مره ومو عارفه تجلس وماسكه الجوال بيدها وتحاول تكلم فارس عشان يعجل بجيته )
فارس : هلا منال
منال : هلا فارس وينك ماجيت
فارس: انا في الرسبشن الا كم رقم الغرفه ؟
منال : 17في الطابق الارضي
فارس: طيب انا الحين جاي
(ويدخل عليها فارس)
فارس: السلام
منال: وعليكم السلام
فارس: وش في لونك مخطووف
منال : انا خايفه على رائد مو اول مره يتعب فيها
فارس: لا تخافين خير ان شاء الله
منال: ابي اشوووفه
فارس: طيب بس بستأذن من الدكتور اللي يشرف على حالته
منال: طمني فارس طلبتك لاتغيب كثير
فارس: من عيوني (واشر على عينه)
( من المزرعه)
(كان الكل مشـغول يشيل اغراضه عشان خلاص بيمشون والخدامات ينظفون المزرعه )
( من مجلس الحريمـ)
ريمـ : ليهـ بنمشي اليوم والله لو ننامـ هنا احسن شوفو علاوي ياعمري عليهـ مبسووط هنا
ليال: شنسوي عمي ابو سعود وابوي عندهمـ دوامات ويومـ السبت بتبدى الدراسه من جديد يعني نو وي نبات هنا
شذى : اااااااااااه ياقلبي بس على المدارس ليهـ تجيبون طاريها
نور : عادي حبيبتي ...تعدي يالله عجلوو عشان نروح البيت ونرتاح انا مره تعبت من السباحه

( من مجلس الرجال )
خالد :والله يابوي لو انت واعمامي كل سبوعين تطلعونا طلعه مثل كذا تدرون تتطلعون حركات
ابو ناصر: انت اسكت من خطبت لا انا ولا اخوك ناصر قمنا نشوفكـ كان مافي احد خطب غيرك
خالد : اقول حسـدوني عطوني عين بعد
ماجد : لا يحسدونك ولاشي بس عقبالي عشان اطقمـ انا وانت
ناصر: شفيكمـ ميتين على الزواج ...والله لو تجربونه ااااااه تتمنون العزوبيه علطول
خالد : اوف ...عادي اوصل هالكـلامـ لـ هاله
ناصر: لا يامعود تكفى تراني سبحت كـثير اليومـ وابي انامـ على سرير مريح
الكل :ههههههههههههههههههههههههههههههههههههههههههههههههه هههههه
ماجد : هههه اجل خلك بحالك وخل نصايح لك ولا شرايك يـا فهد
فهد : انا عندي الزواج احللللللللى شي بهالدنيا ويسوى العزوبيه واهلها
نواف:هههههههههههه من قلب ولا خايف تقول الي بقلبك ويوصل لـ هيفاء
فهد : لا جد وربي الزواج مرررررره حلووو
سعود (جاي يركض): يبا يقولون لك الحريمـ انهمـ خلـصـو ورتبو كل شي وجاهزين
ابو سعود : يالله مشـينا

(ماجد مسكـ جوالهـ وكتب مسـج لـ شذى ......ممكن اشوفكـ قريب من المسبح لاني عارف اذا بدت الدراسه بتنشغلين ومابشوفك الا بالاجازه ....انا الحين بروح قبل مايمشـون )

(من مجلس الحريمـ ...شذى قرت الرسـالهـ ......)
شذى:طيب انا شوي وراجعه
ام ناصر: وين ياشذى الحين بنمشي
شذى : دقايق يما بـ تأكد اذا نسيت شي ولا لا؟
( هالمره ليال ماحست انها بتروح تشوف ماجد وماقطت عليها كلامـ ...وهذا الشي ريح شذى شوي وسهل المهمه عليها)