راعي الغرام .. اشتقت له قبل ما اروح ..
واشتقت له وانا يديني تضمه ..
يا روح ما بعدك بها الارض لي روح ..
وان راح عني سال دمي بدمه ..
***
طار الظلام .. اللي من الجيد مفضوح ..
والشـمس خلتنا وراحت تلمه ..
إن قال غنَا ون حكى الصـوت مبحـوح ..
يا بحة الاشـواق مع خف دمه ..
***
مع السلام .. الحب والشوق والروح ..
كـلي .. أنـا كلي أباروح يمه ..
اموت فيه اهواه وانا منه مجروح ..
حتى وهو يجـرح ألاقيـه قمه ..
***
هـذا كلام .. اللي اذا قال مسموح ..
اتسومحت كل القضايـا المهمه ..
انا وخلي والهـوى ما اقدر ابوح ..
يا رايد العشاق .. عشقي وسمه ..
*******