تعالوا شوفوا التماسيح والريجيم

تعالوا شوفوا التماسيح والريجيم
بســــــــــم الله الرحمن الرحيـــــــــــــــــم
يامعشر التماسيح إني أعلن امامك فضايحكم مع الريجيــــــــــــم
كل واحد منكم يتابع الأسئلة ويجاوب عليها حتى أعرف احلل شخصية كل واحد فيكم فلنبدأ مع الأسئلة المحرجــــــــــــــة

السؤال الأول /// مارأيك بجسمك ؟

1ـ أحس إني دب وأدخل مع الباب على جنب
>>>>>>>>> ماخذ بخاطره من سحلية قالت له وخر يادب

2ـ انحرج من جسمي بعض المرات إذا كنت مع شلة شباب في السيارة وجالس وراء ومضايقهم وطالعين جنبي كنهم مراصيع

3ـ جسمي مضايقني وودي أنحف كثير علشان يقولون عني ياحليله توه صغير

السؤال الثاني /// ما موقفك من الرياضة والحمية الغذائية؟

1ـ بأفكر في الرياضة لأن النادي قريب ما ياخذ مشوار ولايصرف بنزين أما الحمية ما أقدرأتبعها
>>>>>>>الأخ فجعا11111111ن.

2ـ الرياضة ما اواطنها بس الحق ينقال علمتني قيمة الموية
>>>>>>>> مسكين يركض وراء الكورة وحلمه الوحيد إنه يسبقها اوعلى الأقل أحد يناوله أو يلمس الكورة برجله أو براسه او بيده حتى
بس اهم شي إنه وصلها ويقول قدام الناس أنا جبت قووول او ناولت أو شت
واللي مايصدقه يقوله أكبر دليل أنا سبب الفاول اللي سمعتوا عنه

أما الحمية عادي اساسا شهيتي منسدة هالايا111م

>>>>الأخ مو مشتهي الأكل أكيد يحب وغرقان لشوشته ومحبوبته ما تدري عنه أو تدري بس مسوية نفسها ثقيلة وتتغلى عليه وهو ميت بدباديب أهلها اللي خلفوها
( على قولة ابو الهش)
يا ما1111111111ل الصلاح

3ـ ماعندي مشكلة اتبع الحمية وامارس الرياضة بس اهم شي انحف
>>>>>>>> هالدب محطم نفسيا من شكله
صحيح دب بس تراه حساس والدليل قالب الليل مناحه والناس نيامى
<<<<<<<<< كسر خاطرها

نصيحـــــــــــــة ///
لكل تمسا111ح دب يشيك على ملابس الرياضة قبل لايقول جسمي رياضي
عندي كرت لأهل الاجسام الرياضية هههههههههههههههههه قالوا رياضية قالوا :
المهم الكرت عبارة عن كروكي لمحل يبيع بدلات رياضية وترنقااااااات XXXXL بمواصفاات عالية الجودة ومقاييس يمكن يدخل معك أصحابك مع ضمان أنها غير قابلة للانكماش او التمزق والتفتق
وبتجربة مسبقة من اكثرالمشاهير في العالم العربي
ماني ذاكرة اساميهم كيفي
لاني على دبدبتهم احب أغانيهم (ما أروعك ـ بودعك ـ ياكامل وصوفك)

السؤال الثالث /// ما موقفك عندما تفقد كيلوجرامات من وزنك؟

1ـ بتتحسن معاملتي للناس اللي حولي وبتكثر زياراتي للأهل والاصدقاء واترززفي المناسبات حاط رجل على رجل وأصير حديث المجالس لين يملون مني ويقولون ليته مانحف وبعد ما اسمع هالكلام اللي يكسر مجاديفي أروح للسوق أتميلح وتشوفني ذيك السحلية اللي مو معبرتني يوم كنت....... ماودي اقول
رجاء لاأحد يجبرني اووووووووه ليه الاحررررراج
اوكيه بقول يوم كنت دب
وتبتسم لي وتسبل عيونها وتقولي هاااي وانا مومعطيها وجه كلش
>>>>>>اوووه الاخ مو بسهل بيرد اعتباره أو بيحط حرته فيها بعد الكلام اللي ضايقه

2ـ بأجيب كيس زبالة واحط فيه كل ملابسي القديمة وبارميها مع الشباك للي يبيها ( أكيد ما أحد يبيها شايف الناس بحجمك) واحلق ببصري في السماء واتنفس بعمق مع ابتسامة شاقة وجهي ـ اليوم تبدأ الحياة ـ
>>>>>>> أثره مو سهل طلع رومنسي ــــــــــــ شادية على غفلة
ثم أطب السوق وأشتري ملابس جديدة وانا كاره الثوب اللي علي
>>>>>>>> قاعد يدور جسمه وسط ثوبه مولاقيه مضيع جسمه المياس بين طيات الثوب بس متحمله لين يطلع ثيابه الجديدة من عند الخياط

3ـ مايحتاج اقول معروفة بتمقل جسمي الرياضي في المراية وكل دقيقتين اناضر عود الخيزران مع حركة دائرية لليمين ثم دائرية بعكس الاتجاه وإذا مشيت السحالي يناظرني بإعجاب وشرارات الحسد وصواريخ الغيرة من جسمي المياس تنطلق من عيونهن

السؤال الرابع /// كم مرة تزن نفسك ؟
1ـ نادرا
هذا التمسااح من النوع اللي يبي كل شي يجيه جاهز يعني لو عطوه أسئلة إمتحان قالهم أنا احتج وين نموذج الإجابة ؟؟؟
لا وأزيدكم من الشعر بيت ما غسل عيونه
إنشالله تبي أمك تغسلها لك؟؟؟!!!!!!!!
(اللهم إنا نعوذ بك من العجز والكسل)

2ـ مرة في الاسبوع
هذا التمساح قعيطي (بخيل) ماعنده ميزان يتحجج إنه مشتاق لصديقه لان عنده ميزان ويقول لصديقه ابي كاس مويه مع ملعقتين عصير مركز ونص ملعقة صغيرة سكر(مايبي السكر يسمنه) وصديقه يناظره بعصبيه ويقوله قل ابي عصيرمن الاول وفي حين انشغال صديقه بتحضير العصير لحضرة الرشيق يركض للميزان يقيس وزنه ويرجع مكانه ويصفر وحاط يدينه على ركبتيه يعنني ماسويت شي .

3ـ يوميااااااا
هذا التمسااح شكله موسوس وبقوة بعد
الله يستر ياكل وينام على الميزان من كثر وسوسته كل هذا علشان تنحف بسرعة لهالدرجة ماخذ مقلب في جسمك ؟!


النتائـج
الاختيار رقم 1 ( درجة) الاختيار رقم 2(درجتان) الاختياررقم 3 (ثلاث درجات)

جاكم //////////// التحليــــــــــــــــــــــــــــــــــــــل////////// ماشين يعيقه

>>>>>>كل تمساااااح حاط إيده على قلبه وياربي سترك من كلمة التحليـــــــــــــل

مابين 4و8
انت غاسل يدك تماما من نفسك وأفكارك سوداوية عن جسمك
حاول تقنع نفسك وتشجعها وقوي عزيمتك لمصلحتك لأن البدانة قد تسبب لك أمراض اجتماعية ونفسية وصحية .
مابين 9و12
انت في منتصف الطريق يعني ودك ولا ودك يعني تبي تنحف وماتبي تعني نفسك والوزن اللي تفقده في النهار ترجعه أضعافا مضاعفة قبل لاتنام هذا يا عزيزي التمساح مايمشي عندي لأني ما احب انصاف الحلول يعني يا أبيض يا أسود لكن مش رمادي (على قولة لطوف)
مابين 13و15
انت واثق من نفسك حيل ومندفع بقوة مدري وش معجلك؟؟؟
يا أخي الدنيا فيها بركة تنزلك شحوم وتشيلك هموم
<<<<<<<< تصلح مطلع قصيدة هالعبارة واااااااااااااو اكتشفت اني شاعرة
الله يستر أخاااف من كثر ما تسوي رجيم يدورونك أهلك ما يلقونك عاد أبتلش وانا مجرد ناصحة وأبي لك الخير ....

ياااامعشر التماسيح
سااااااااااااااااااااااااامحوني تراني قاعدة اكتب و احلل من رااااااااااااااااااسي


الله يكفيني شر التماسيح عامة والسمان خااااااااااصة
عز الله رحت عجينه

هههههههههههههههههههههههههههههه

تحياااااااااااااااااااااااااتي
كلي احساس