اقبلي خَطوه بخطوَه و بَعدهآ..هدّي خلّي الأرضِ تفهَم خَطوتِك ( حلويات )

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]



الحين جاء دور الحلى

حلى بأكواب وردات < على كيفي




مررره سهل وطعمه جمميل

المقادير :

علبة بسكوت شاي
نصف اصبع زبده
قشطه
3 جالكسي ساده

الطريقه :

يطحن البسكوت ويعجن بالزبده ويرص في القوالب هذي
ثم القشطه والجالكسي في حمام مائي وتصبينها فوقهم
وبعدها تبشرين جالكسي او فليك للتزيين وبالثلاجه ساعتين

ينوكل بملعقه وقوامه يجي سائل شوي



حلى الجوزاء




المقادير :

بسكوت جوزاء
1 كوب سميد محموس
1 حليب نستله
1 ملعقه قشطه


الطريقة :

تحطين اول شيء القشطه بصحن ع جنب عشان بنستخدمها بعد شوي
تحمسين السميد وتراه يتشقر بسرعه انتبهو يطلع ريحة حرق
تجيبين بسكوتتين وتلصقينهم ببعض بالقشطه اللي حطيناها ع جنب
ثم تغمسينها بحليب النستله وتغطينها بالسميد
تزينينها بالهيرشي كافي

وبالسكين بخفة يد تقطعين البسكوت بشكل مثلثات او بشكل طولي




حلى كلما طول في الثلاجه احسن




المقادير :

قوالب بسكوت جاهزه ( اخذتها من الحمود ، وبامكانك تسوينها )
1 حليب نستله
4 جبن كيري
بسكوت جوزاء
بسكوت اوريو


الطريقة :

بسكوت الجوزاء تاخذين كسره صغيره وتحطينها بكل قالب بسكوت
ثم تخلطين ( النستله + الجبن ) بالخلاط وتصبينها فوقها
الاوريو توخرين عنه القشطه وتحطينها

مثل ما اسلفت اذا تبينه اطعم سويه قبل بيوم يصير طري مرره



الوافلز



بشرح الثالث من اليمين ركزو

المقادير :

ط1 : 5 بسكوت الوكر ساندويتش الأحمر
10 وافلز لوزين كراميل الحجم الكبير
1 زبده

ط2 : 3 بيضات
فانيليا
قشطه
10 جبن كيري
3 ملعقة كبيرة حليب
حبتين بسكوت دايجستف
بيالة سكر مطحون

ط3: 3 جالكسي سادة
3 جالكسي كراميل
نصف قشطة


الطريقة :

يكسر الوافلز وبسكوت الاولكر في بايركس مو كبيره ويشرب بالزبده بعد تذويبها
ومقادير ط2 في الخلاط وتصب فوق البسكوت والوافلز المكسر وبالفرن 20 دقيقه لحد ماتتماسك واذا طلعتيها دخليها الفريزر ساعه
مقادير ط3 في حمام مائي وتصبينها فوقهم وترجعينها بالفريزر ثاني

قبل التقديم بوقت طلعيه لحد ما يذوب شوي لان تقطيعه صعب وهو متجمد ..


حلى الشوفان



شفتو الفازه البعيده هذا هو


المقادير والطريقه سوا
1 ونصف كوب شوفان + 1 وربع كوب جوز هند + ربع كوب حليب < تحمس ع النار مع بعض لما تتشقر
بعد ماترفعينها عن النار تضيفين ربع كوب سكر مطحون وتعجن ب قشطه + نصف اصبع زبده
تكور وتغمس بشوكليت مذوب






بسبوسة الجالكسي
+
حلى القوارب
+
حلى بسكوت السمسم




البسبوسة
اول صف

المقادير :

3 بيضات
فانيليا
بيالة زيت
1 ملعقة كبيرة نسكافيه
1 ملعقة كبيرة شوكليت باودر
1 ملعقة كبيره باكينج باودر
قشطه
سميد
سكر
جوز هند
1 حليب نستله
جالكسي او فليك


الطريقة :

( البيض + الفانيليا + الزيت ) في الخلاط
ثم تضيفين عليهم ( القشطة + النسكافيه + الشوكليت + باكينج باودر )
وبعلبة القشطة نفسها تعبينها سكر مره وحده و على الخليط
ونفس المقدار جوز الهند والسميد
تصبينها بصينيه وبالفرن 20 دقيقه
لما تطلعينها تصبين عليها حليب النستله وهي حاره عشان تتشربه
واذا بردت ابشري فوقها جالكسي او الفليك

ــــــــــــــــــــــــــــــــــــــــــــــــــ ـــــــــــــــــــــــــــــــ


حلى القوارب


المقادير :

لعمل القارب نحتاج
نصف كوب دقيق
3 جبن كيري
نصف اصبع زبده

الخلطه

3 جبن كيري
1 حليب نستله

بسكوت رينجو


الطريقة :

تجيبين نصف كوب الدقيق والجبن ونصف الزبده المذوبة وتعجنينهم سوا وتضبطينها صح بالقوالب بعد ماتدهنينها وبالفرن 15 دقيقه
تتركينها لما تبرد وتفكينها
ثم حليب النستله مع الجبن بالخلاط وتصبينها جوات القارب
وتزنينها بكسره صغيره من الرينجو والهيرشي


ــــــــــــــــــــــــــــــــــــــــــــــــــ ــــــــــــــــــــــــــــــــــــــ

حلى بسكوت السمسم


المقادير :

بسكوت ديما بالسمسم
1 كوب حليب محموس
1 قشطه
مالتيزر


الطريقه :

تحمسين الحليب لما يتشقر وتعجنينه بالقشطه
وتجيبين البسكوتتين وتحطين العجينه الجميله بالنص وتسكرين عليها
وتحطين المالتيزر فوق وتزنينها بهيرشي





[/ALIGN][/CELL][/TABLE1][/ALIGN]