إعــتراف عــــاشق .....

اخواني واخواتي الأفاضل ... اشتقت لكم حيييييييييييل والله

آسف جداً على فترة الغياب البسيطة التي حصلت

واعتذاري لكم مصحوب بقصيدة جديدة مرّه اهديها لكل الاعضاء وكل المتذوقين والمتابعين

ويا هلا وميّة هلا فيكم

ارجوا قبول اعتذاري واللي ما يقبل اعتذاري انا مستعد له بالحقّ يطلب اللي يبي


ومن عيوني



قصيدة .. اعتراف عاشق ..

قال الذي له مدّةٍ ما طرق قاف
من له سنة ما قال .. الاّ قصيده
اليوم جاء له يا هل الشعر ميقاف
سيد القوافي .. والقوافي عبيده
اصوغها تأتي على اشكال واصناف
ولمستوى الشعار تبقى شهيده
ما انا الوحيد اللي للأمثال عسّاف
لكنّ دلوي جاب درّة فريده
ويمكن سبقني فيه ميّات والآف
ولا كل قصيدة نعتبرها قصيده
الشعر بحرٍ هايجٍ ما له ضفاف
ولا كل من يسبح بموجه يجيده
وأنا عقب ما أقفيت عن زين الأوصاف
رحت اتمناله حياةٍ سعيده
من عقب ميقـافـي على كل مشراف
قفت ذلولي عن صحاصيح بيده
واليوم لاح بصافي الجوّ كشاف
عقب الصحا جتني بروقٍ جديده
شدّتني الذكرى والأيام سلاّف
ورجعت لأرشيف السنين البعيده
وأنا احسبني ماضي بدرب الإنكاف
من عقب ذود الوضح .. نفسي زهيده
ثري الذي قلبه خضر ما بعد عاف
لا أحدٍ يلومه .. شوفة الترف عيده
عوّدت لدروب الهوى عقب محلاف
إبنادم ضعيّف .. ولا الأمر بيده
يوم رفعت رمشٍ مثل جيش الأشراف
يا ويل منهو في عيونه تصيده
شفت العيون اللي بها الموت خطاف
وأنا خطفني سهمهن في بريده
الطول متناسق على ذيك الأرداف
والشعر شلالٍ مغطّي لجيده
وحبّات لؤلؤ بين جمرات الأشفاف
في مبسمٍ منطق حروفه يزيده
والله تحيّر بالتواصيف الأوصاف
الكامل الله .. كامله بتعديده
هذا اعتراف لعاشقٍ قال ما شاف
عانا لأجل حبّه ظروفٍ شديده
أعلن هواه برحلةٍ دون محراف
وأعلن هوى المجمول وسط الجريده
انظر أمامي وارسم الخط بأهداف
بعيون مستقبل حياةٍ مديده
أربع حروفٍ حبه القلب بأسراف
في بحر حرفينٍ نقول القصيده[/SIZE]
[/frame][/SIZE][/CENTER]