شَفّ كِيَفّ نَآظَرّهّآ عَقَبّ مَكَحَلّ آلبُوَحّ ...

.
.
.
.

. سولف مع القمرى من للروح للروح
............. ملّت سواليفك ظلام الحكايآ

. جر الغناء لو صوت الأحلام مبحوح
............. عساك تروي به عروق الضمايآ

. قد لك على هالصمت حول أربع جروح
............. وللحين ما جاتك غيوض الصبايآ

. ومعذورة إن غابت ولو كنت مجروح
............. إلى متى وهي لنزفك مرايآ

. شفها رمت من كفها خاتم النوح
............. وردّت على كفّ الهموم الهدايآ

. وشف جيدها .. تزهى به قلادة طموح
............. وشف ثغرها يزهى بروق الثنايآ

. متى يكحل طرفها مكحل البوح
............. وتصبح نواظرها حديث البرايآ

. رح يمها مالك مع الصبر مصلوح
............. من قبل ما تذبل ورود الحكايآ

. وإسهر معاها بين شرهات ومزوح
............. حتى يطيح آخر غصون الخفايآ

. وشيّد لها من طينة أحلامك صروح
............. وإرخص لها من نبض قلبك عطايآ

. هذي بروق المجد في دربك تلوح
............. كم لك تسولف عن كبار النوايآ

. اليوم شف باب التباشير مفتوح
............. إدخل مدام إن الهقاوي ملايآ

. معشوقتك فعيونها الزين مفضوح
............. جاتك وسوّت فالطواري .. سوايآ

. شف كيف ناظرها عقب مكحل البوح
............. اللحين أقول إنها غيوض الصبايآ
.
.
.

قَصَيَدّهَ إجّرَرّرَآمَ إلىّ حَدّ آلثَمّمَآلهّ

لِ رَآئعَهّآ / صَلآحّ آلعَرَجّآنِيّ

أتَمّنَىّ أنّ تَرَتَقَيّ لِ أذَوَآقَكّمّ . .