تحيه ومحبه لكل العابرين
الرد على ,, تغريدة الشيحي ,,
ماكل من يكسر يكسّر عمدنا=لو تجري اصحاب المراذل جهدها
رد المساوي غاية من سعدنا=ولا ينشر الاخلاق واحد فقدها
زرع المكارم زارعين وحصدنا=وعاداتنا با العز يتعب عددها
تغريدة الشيحي للاقصا والادنا=ترفع بها روس النشاما وحدها
عاش الشجيع اللي ثنا عن بلدنا=غيرة وطن يوم البلاوي رصدها
حنا على هدي الرسول انوجدنا=شعبٍ نقيات الموارد وردها
مولد نبي الخلق فيه انولدنا=المملكه نورٍ سماه وجلدها
حنا بعدنا با الاصالة بعدنا=ما تنجحد لو كل هابط جحدها
حنا شعوبٍ صاحيه مارقدنا=وسلومنا نحيا نموت بصددها
الدين مبدا واتباعه سندنا=ولا نعتقد با اللي خرب معتقدها
من هاويات الغرب ويش استفدنا=ومروجينه عندنا امر وادها
لكن حماة الدين سيفٍ بيدنا=يهوي على ارقاب الفجور بمهدها
وحكومة له مخلصين بعهدنا=ترث الحرار اللي بعيدٍ هددها
وتغريدة الشيحي للاقصا والادنا=ترفع بها روس النشاما وحدها
مرزوق محمد الرمالي
العضو الأكثر نشاطاً هذا اليوم 
العرض الشجري
