| | تغيب وتنقتل فيني ( صبـاح الخير ) | |

تغيب وتنقتل فيني ( صبـاح الخير )
لـ مين اقولـها يـا اعز غـّيـابي .. ؟
:
رميت القلب غصن ومايمره طير
وانا صدري منافي طهر لـ احبابي
:
تخيًل : كل مايرهقني التفكير
اسكًر عن مجاريح الشعر بابي
:
واحس ان المدينه في بعادك غير
وانا مالي سوى عينيك ترحـابي
:
عن احزاني صراحه يـعجز التعـبير
تعبت ادله عن ايامك وتسلا بي
:
حبيبي زف لي صوتك تعبت اغير
على قلبي وانا احزاني تفضى بي
:
انا صمت المواني والاماني بـير
عطاشا ماسقتهم غيمة عتـابي
:
قم احطبني آمل وازرع لي النويًر
وغرد فوق غصن الحلم لـ غيابي
:
ابيك تكون لي موعد بلا تآخير
تعبت اتعلق بضحكه على نابي
:
ابي يغفى قمر ليلك بلا تبرير
ابـضحك للصباح اغـصان واقرى بي
:
ملامح للمدينه . نبض طفل صغير
رفض حلو ابتساماته وغنى بي
:
وغيييب وخلها تذبل ( صباح الخير)
وانا بـ اقولها لـ اشباه احبابي



نص عذب للجميل / سعود آلفليٌح
آتمنى يرتقي لذآئقتكم