تبي تصير غني صاحب فلوس تفضل ادخل

[align=center] تبي تصير غني صاحب فلوس تفضل ادخل

طبعا اللي عندهم فلوس وربي رازقهم لايضيعون وقتهم في قراءه الموضوع لانه خاص للي راتبهم نصه للبنزين والنص الثاني لفاتوره الكهرب ((يعني فاتوره الجوال سلف طول السنه ))

المهم انا سمعت سالفه غريبه مره بس بجد عجبتني وحاب اكتبها
وتقول هالسالفه انه واحد من جماعه الفقر والشحططه راح يسحب من ماكينه صراف مبلغ وقدره ميه ريال من اصل 180 ريال (( وكني اشوفه مقابل المكينه ويقول حرلم كل هالتعب والكهرب عشان حسابي ال 180 ))
المهم انه سحب الميه ونسى وصل الحساب على المكينه وجا وراه واحد غني وقال لسواقه بالله عطني هالوصل أقراه وقام السواق وسحب الوصل وعطاه عمه ولقاه باقي 80 ريال ويقول هالعم (( جعل ربي يبلغني بواحد زيه )) ويتصل على مدير مكتبه وينقله رقم الحساب وقال ابغيك تدخل في هالحساب عشرين الف ويقوم اخينا المفلس راعي الحساب ويجيه ضرف ويبغى الثمانين ريال (( فديت خشتك انا كني اشوفك معذور في بكت معسل فخفخينا تفاح ))
المهم يوم وصل عند الصراف قاله ممكن ابغى ادخل عشرين ريال عشان اسحب ال 80 قاله الصراف وليه العنوه ذي كلها انا اسحب لك ثمانين من عندي قال يالله اسحب لي قاله الصراف بس ثمانين ؟؟
قاله المفلس وهو ينكت ايه بس 80 وبخلي الخمسين الف ريال الباقيه بعدين (( يفطر الاخ )) قاله الصراف بس حسابك مافيه الا عشرين الف بس (( كني اشوف السعابيل تنزل امهات خمس )) قاله المفلس انت تحكي جد ؟؟ قاله ايوه جد وناظر ولا اصدق ويقوم ويطلب المدير وقاله يمكن فيه خطأ قال المدير ابدا العمليه صحيحه المهم الرجال سحبها وحمد ربه وشكره وتوته وخلصت الحتوته
واسمعوا مني النصايح التاليه عشان ربي يوفقكم زي ذا :
اول شي حاولوا تسحبون من المكاين اللي قريبه للقصور والمناطق الهاي لايف وتسوون عماركم نسيتو الوصل على المكينه وثاني شي حاولوا الحساب مايكون فيه الا 90 او 70 ريال عشان تكسرون خواطرهم بجد ولا حصل دمعه تمسحون ابها الوصل حق البنك اذروفوها لا تاخرون خلو الوضع يبكي
ثالث شي حاولوا تسحبون كل يون من عشرين صراف ((وطبعا هي بس ميه ماغيرها تسحبونها وتودعونها ثاني يوم عشان تشتغلون على المكاين الباقيه ))
رابع شي واخر شي ماهوب لاجاكم قروش في حساباتكم رحتوا تفلسفون ثاني يوم عند مدير البنك وتسوي عمرك داخله غلط اقول انطم وخذ القروش ورح سدد فواتيرك .
في النهايه اتمنى لاخواني الطفارى التوفيق كما امتنى وصلكم مايطيح في يد واحد عنده خمسين مليون ريال تحت البلاط ولا شاف عند التسعين ريال يقول ياحظك عز الله عندك دراهم
(( اما بخصوصي انا يسمحولي اخواني الطفارى بختصر اللفه الطويله ذي مالي خلق اللف على المكاين كل اللي ابغيه النسبه على الفكره هي بس 90 % والباقي لكم ابد وسعوا صدوركم بها والدنيا مافيها خير ماهوب بكره يجيكم كم مليون وتنسون حقي جعل ربي لايوفقه اللي بينسى نسبتي )) [/align]