السموحه منك يالقلب الكبير
ماحصل مني غصب ماهو بيدي
انت تعرف غيرتي لما اغير
يظلم بوجهي ظلامٍ سرمدي
يشتعل في داخلي نار وهجير
من لهبها ماتهنا بمرقدي
مااحس الا وانا سيف النصير
اولى طعناته في قلبك تبتدي
واللي يذبحني سكوتك يالصغير
دوم صابر وانا اطعن واعتدي
ماتكلم لاجل في حبي اسير
غايتك ارضى وتسعى لاسعدي
ويل قلبي من الم جرحه شطير
جيت يمك اسبق الخطوه عدي
ماقصدت اجرحك يالوجه المنير
ولاقصدت ازعلك لحظه يابعدي
التمس عذرك وانا حالي خطير
وماحصل مني غصب ماهو بيدي