| | . . . . . . . سلمى وَ ! | |

يحظر الشعر مع تلك - السلمى -





البرد والخوف والتشريد والساري
والعزف عــ النـزف والآهات والظلما

وأنفاس (سلمى) وأنا لا ..صدري العاري
كلما تنفّست ضيق .. تنفّست (سلمى)

(خمّارة الحرف )

ويني ..؟
وينها دياري.؟

تعبت ارتب وجيه الناس عــ الاسما..!
الأرض .. كف التعيس ،، وخطوتي .(قاري)

مع كل خطوه ,
أضيع
وأنجرح
وأدما

خطاوي أعمى .. بــ ليل أظلم من أقداري
جيتك وكوني إذا جيتك..(عصاة أعمى)

أشعلك ظلما ،، تكسّر خاطر أنواري
وألقاك.... ظلما ..! توديني عيون الما

وأشربك واضح ... وأزيد أشربك متواري
خلف الظما . بس . مهما أشربك أظما

(مهما) تكونين , أكونك غربة أفكاري
تعبت منْك ,,
ومن أفكاري
ومن
(مهما)

عبث أصابعك بـ شفاهي وبـ زراري
يا ضيقة الصدر لو ما فكّته ,لو....(ما)

أتنفّسك ذنب .. وأستغفر ..! وأنا داري
إذا تنفّستك أغرق ,, بس أكون (اسمى)

عشان أعلّم ذنوبي .. قيمة أعذاري
وآعلّم (الضي) وش هي قيمة (الظلما)..!



عبدالله الكايد




/




ياآنسة للطين هجرة وتوطين
..... متجانسة ضدين.. رامي، و ،مرمى
ياآنسة دامي أصابع بلا..يدين
..... عادي تراي أظما .. على ضفة الما!!
لاتسأليني من متى كيف أو وين
..... أجبرني الواقع .. عن الواقع \ أكما
شوفي غموضي نظرتي تستشفين
..... أصغر طعوني : كيف تُُدمي ، وتدمى
ياكثر مافيني هنيا(نياشين)
..... وياكثر ماجرح (النوى شين) يااْسما
واقف على حدالمواصل من ا لبين
..... أقول: يمكن ( غيمةالوصل ) تهمى
ايه أطلب الحكمة بروس المجانين
..... حتى أنزع اللقمة من ضروس سلمى
ماهي غريبة كون حلم العما عين
..... وبكل لحظة.. تصفعه .. كَف ّ ظلما
بين الحصا والتين كانن حصاتين
..... ينمن وطفل الياس.. لا.. زال ينمى
عصفورتين وحلمهن كان غصنين
...... يوم السما عجزت بالأحلام تسمى !
طارن وطارن ثم طارن وبعدين..!
..... أثر السما من ظامي الأرض أظما..!!
جنّي مثل شمعة و صورة و قلبين
..... و راحن مثل دمعة على خد .. بكما




خالد صالح الحربي



/




قال : أحبك ..!
قلت : أحبك ..!
قال : أحبك كثر .. حبك
قلت : أنا أكثر منه أحبك
قال : أنا أصدق من يحبك
قلت : أنا الصدق اللي يحبك
قال : أنا بعطيك .. روحي !
قلت : أنا أبغى منك روحي !
قال : والله ماتمنى تمر لحظة ما أشوفك
قلت : انا والله اتمنى تمر لحظة ما اشوفك !!
قال : أجل من وين .. احبك ..!
قلت : من آخر .. محبك ..!
قال : مقدر ..
قلت : تقدر ..
قال : انا !!
قلت : ايه انا !!
قال : ( خالد ) !! .. قلت ( سلمى ) !!
كفي رماحك ترا ماعاد فيني قلب يرمى







خالد الردادي ..










*