لا ياالوسيم ..الأنيق يالناعم الكشخه

[poem=font=",4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

صرخه بلا صوت .. أو صوتٍ بلا صرخه=أشباهك كثار وأنا .. قلّة أشباهي
الحصني إن جاد .. صاد الديك بن فرخه=والسبع يفتك سمين الصيد والراهي
والذيب يالذيب .. يذبح شاته بلبخه=مير انت ذيـبٍ يموت من أضعف شياهي!!
شريم ابو برطم مقطوع من نفخه=هزّك .. أجل وش يجيك بنفخة شفاهي ؟؟
شفني تعشيت كبشك من عقب سلخه=وشوّطت رأسه سحور .. ونمت متباهي
هالحين أنا صايمٍ .. ياطاهي الطبخه=كلها لحالك وقدر الطبخه .. الطاهي
لا ياالوسيم ..الأنيـق يالناعـم الكشخه=لاعاد تشره .. وللشرهات شراهي
خذها نصيحة .. إذا شفت الزحام .. إنخه=خل الخلا للذيابه .. وأنت عش لاهي
وخذ لك من الأصل .. طبق الأصل كم نسخه=كلن غدى هالزمان الآمر الناهي
والخطّ لو تختلف رقعته عن نسخه=تبقى المعاني معاني .. هي مثل ماهي
صحيح أنا وأنت كل ثيابنا .. وسخه=مير أنت خلقه..!!! وأنا ببيـاله الشاهي
[/poem]