| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
التخاطر العقلي… حين تبدأ الحكاية بصدفة
بقلم : اسكادا  |
 |
 |
| كلمة الإدارة |
 |
|
|
||||||||
|
||||||||||
 |
|
 |
||||||||
 « آخـــر الـــمـــشـــاركــــات » |
 الإهداءات |
|
|
أدوات الموضوع | انواع عرض الموضوع |
05-12-2006, 10:38 PM
|
#1 | |
|
مشرف قسم الفن والصور
|
فصخوني وحلقوني ومرمطوني وشنكلوني ...
سلاااااااااااااااااام عليكم ************ووووووكم
يالله حيهم كلن باسمه حي الله شباب  وشابات وعجز وعواجيز بعد حييوبمناسبه السفر لاوربا وفرنسا بالاخص مع الشباب ابقولكم سالفه صارت لي هاك السنه لا يروح بالكم اني مسافر لماربيا او جنيف حنا طال عمركم حدنا جده>>> وتخب بعد المهم هاك السنه باخر شهر رمضان يوم ثمان وعشرين يعني بقى على العيد يومين ربطنا العفش والقش وربكناه بالددسن غمارتين تولى القياده انا والحريم امي وخواتي وحرمه اخوي ركبو بالجمس موديل اثنين وثمانين تولى القياده ابوي الله يحفظه طبعا البزران معي بالددسن ذبحونا بشرب السن توب والعلوك واللله وحنا بالطريق بديت احس بشي يحوس بطني  حاولت اتصبر بس ماقدرت :p وكل محطه نوقف عندها احول بسكات واروح للحمامات ..... لا تخافون قسم بالله ماطلع من بطني شي  ادخل الحمام اتعصر يصير وجهي احمر واطلع وانا ماسويت شي بس الوجع ذبحني قطع مصاريني  وش السواتأمير الذوق وش الدبره وين المستوصف هالحين المهم ماصدقنا نوصل جده اول ماوصلنا اهلي نزلو بالشقه وانا اخذني اخوي الكبير لمستشفى دختور عرفان المركزي اخوي الكبير توه معرس ذبحنا طول الروحه على باله يعرف كل شي يكشخ قدام حرمته الان حنا ليله تسع وعشرين دخلت المستشفى صار اللي فيني زايده >>> ماصارت غازات مسيله لدموع  قالو لي عميله بسيطه مرررررره وتقوم بالسلامه .... يوم جا صبح تسع وعشرين فصخوني وحلقوني ومرمطوني وشنكلوني وهو يدخل علي الدكتور ومعه مكنسه طويله لونها ازرق قلت عسى ماهوب مشبه علي وناوي يجلدني الرجال كل شوي يقرب وبطني يقرقر ورجليني تصافقت يوم دريت ان الماخوذه ماهيب مكنسه صارت ابرة البنج  ماسكها بيده وقال لي التختور عمرك سويت عمليه قلت لا يا اصطى قال طيب عد الى عشره قلت واحد وبعدها مادري وش صار لي  يوم جت الساعه ثلاث العصر قمت وفتحت عيوني لقيت نفسي فوق السرير والغرفه فيها ثلاث اشخاص غيري يعني صرنا اربعه بدت الزيارت المفتوحه لأمير الذووووووق مره وحده زارني اخوي معه جرايد عقبها ماشفته لا هو ولا اهلي ونصبح على يوم العيد وجانا مدير المستشفى عطى كل واحد كيكه وورده قال لنا سلامات وكل عام وانتم بخير وطلع زاروني اهلي نص ساعه بعدين طلعو يتمشون يوم جا الليل وتبدا الفضايع والبلاوي كان معنا بالغرفه واحد مسوي حادث ومخه منعفس فوق تحت يعني خبل يعني نص لفه يعني لك عليه هالخبل ينام طول النهار واذا جت الساعه وحده من الليل قام واذا قام يحول من سريره ويجي عندي يسحب سلك المغذي من يدي ويسحب فراشي ويجر رجلي والباقين نايمين وانا انادي للمرضات واصارخ اقوم اللي بجمبي بالاخير جت الممرضه وعطته ابره ونام حسبي الله عليه والله يعدي اليوم الثاني على خير وطبعا كالعاده اهلي يجون لي الساعه اربع العصر والساعه اربع ونص يطلعون الان حنا اليوم الثالث جانا سواد الليل وجت الساعه وحده وقام خوينا ابو الشباب وجاني هالمره يسحب ثوبي وثوب المستشفى مثل ماتعرفون زي السندويشه صفحتين  يعني اذا مشيت لازم تمشي على جمب وتباري الساس او انكشف عفشك كله جانا وثحانا وسحب ثوبي وطلعت البلاوي وانا اقعد اصارخ وانادي ولا اقدر اتحرك والخبل يضحك وهو يسحب ثوب رجل سلك مغذي اي شي يطيح بيده يسحبه المشكله انه مايجي الا لي انا  واباقين عارفينه من زمان مرقدين معه وعارفينه حسبي الله عليه ولا احد يزوره مرررررررره مدري وش قصته الى ساعتكم المهم قعدت اصارخ بقوه مره واقووول فسخوني وافضحوني >>> الخبيث يبي الممرضه تجي عشان تشوفه كما ولدته امه وبينما انا في انتظار الممرضه الا وبرجل اغبر املح عريض المنكبين طويل القامه اسود البشره >> شكله محشش جاء لمي وقال خير عسى ماشر وراك متفسخ وقاعد تصايح ...( والله الورطه صدق انا مفسخ ولا اقدر اتحرك وذا الجلف قدامي ):p المهم عطاني ذيك النظرات الين نزلت مني العبارات وقلت مافيه الا النصب هو الي يحافظ على شرف القبيله يوم شفت الرجال معزم قعدت اصيح وقلت يا شين الحرام وش جابني له وش خلاني انام مع ذيك البنت الي فيها ايدز وما امداني اكمل الى الرجفه الي في رجليني راحت لرجلينه يوم جاء ينحاش واتمسك فيه وقال تكفى خلني قلت لا شكلك ناوي شي قال ابد كنت ابطقطق اصابعك المهم رحمته وتركته ويم جاء الليل جو اهلي قلت والله ماتطلعون الا انا معكم رجلي على رجلكم او انقلوني من هالغرفه وراح اخوي يكلم المسولين بس ماعطوه وجه قالو تبونه بالغرفه هذي او شيلوه معكم قلت يالله يأمير تحمل كلها يوم وتطلع وبعد ما ضف اخوي وجهه قلت يا ولد ادامك طيب ورا ما تاخذ لك فره على المستشفى >>> تفكيك وقت وبعد ما طلعت من الغرفه ويقابلني ممرضتين وحده زي القمر ووحده كنها بيدجانه المهم قعدت اناظرهن وهن جاحدتني ويوم تعديتهم وقعدن يضحكن ضحك ما هوب طبيعي ( طبعا فاكاتن معي )  والتفت لمهن ثم سكتن شوي ثم يرجعن يضحكنضحك من القلب قلت يا ولد خلاص تم تثبيت البنيات خل نروح نثبت غيرهم واطلع للقسم الثاني واقابل اربع رجال طبعا تفاديت اني اناظرهم هالتماسيح لكن ما امداني اتعداهم الا ويضحكون من قلب بعد قلت بنات ما قلنا شي لكن رجال وش يبون ومير اختصر الموضوع وادخل مع ذاك السيب والقى رجال يوم شافني انحاش فقمت بمطاردته الين مسكته يوم التفت اثره الاسود الاغبر الاملح الي جاني في الغرفه قال خلاص اتوب قلت له اكيد قال والله ما عد اسويها المهم خليته يحب راسي ويروح ويوم جيت ارجع لغرفتي قابلني رجال طويل وناداني وانا خفت منه وانحشت وهو يقول يا ابو الشباب وانا اقوال العطه يا بطه وامر من عند كل الي مريت عليهم وهم ميتين من الضحك ويوم وصلت الى رجل الامن طلبت منه يحميني من الي يلحقني واستغربت ان رجل الامن وانا اكلمه يضحك ويشر على ظهري ( قلت في نفسي شكل الدعوى كلها بزرنجريه ) وبعد ساعه من الضحك قال لي رجل الامن ان قميص المستشفى الي انا مشخص وادور به مفتوح من الخلف ما صار الا خير ياأمير الذوق رح نم بس في سريرك >>> انت الغلطان دايم الدكتور يقول للمريض لا تتعدى سريرك ... جت الساعه وحده الظهر مروني اهلي وخذوني وطلعنا من المستشفى قلت بس يبون يعوضوني اهلي عن الفتره الي قضيتها بالمستشفى وفعلا ماقصرو اهلي ركبوني معهم ومسكو طريق حايل وصارت قصتي في هالمستشفى فلم منوع ( اكشن و بوليسي وعاطفي )  يعني سافرنا من جده لحايل انا دخلت المستشفى اهلي تمشو واستانسو يوم بغو يرجعون لحايل مرو علي بالمستشفى واخذوني معهم اشواااااا مانسوني بعد والحمدلله على سلامتي وسلامتكم جميعا من كل شر ومكروه والله لا يوريكم الي شفته والله يخلي سفراتكم ورحلاتكم ممتعه سعيده ;) بعض القصص 100 % صدق وبعضها نص ونص وبعضها 100 % نصب >>> هاذي القصه عاد 100 % |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 0
|
|
| لا يوجد اسماء لعرضها |
|
|
العرض الشجري