السلام عليكم ورحمة الله وبركاتة
حبيت اقدم لكم جديدي والحصري لمنتديات بعد حيي
واتمنآ ان تنال على اعجابكم ورضاكم
( لا يـغـرك )
خذني طريح اوجآع وطعونة كثار
خذني من الرمضا لبساتين صدرك
....
تعبت اقاوم لوعتي والجفا ... نار
وجزعت غيبه وأنت يا طول صبرك
....
جرحي من ظروف الزمن والغدر عار
والصد احسبه من محاسيب غدرك
....
احبك ان كان الهوى غيم وامطار
واحبك ان جار الهوى وزاد هجرك
....
لأني هويتك طيب وبعزم واصرار
وما همني لو ذقت سمك ومرك
....
يامآ عطشتك ليل واصبحتك ابيار
ويامآ سليتك طيف واحييت عطرك
....
ويآمآ خذيت المندفن بي للأسرار
ويآمآ على لامآك ظميت جمرك
....
ويآمآ نظر طرفك علي وانثنا سار
واحيا بي المجهول من كبر قدرك
....
اشبه احساسي وانا فيك محتار
ليل(ن) خذاني ساكنة واستقرك
....
وبت اجهلك واعرفك هادي ومنهار
ما بين ثنتيني تحليت خمرك
....
لا تحتوي للناس والخلق الاشرار
دام النوايا بيض والعمر عمرك
....
وخذني غريب العمر ومضيع الدار
ما دامني شفتك وطن ... لا يغرك
وسلامتكم
متعب السيف ( الشقاوي )
العرض الشجري
