[read]
يامبعده انتي ظما طاغي الشوق
عظيم وجدي يم دربك خذااني
على هجيرك نرتجي لمعة بروق
طال المطال وشكل خلي نساني
شوق الغلا والشوق يسوقني سوق
ماشاقني غـيرك من الخلق ثاني
اتبع غلاك بلهفة شعور مشفوق
على هجيرك مع بقايا حناني
مبحر معك مادام بي نبض وعروق
اطرد خيالك مع عزوف المؤاني
غنيت مع ليل الحزن كم طارووق
واعلنت انك غلطتي في زماني
و دونت لك بحساس نشوات معشوق
اجمل حروف الحب بسماء المعاني
ماعاقني في غـربتي دونـكم عووق
وماغاب طـيفك عن خيالي ثوااني
قضـيت انا والبعد لاحق وملحووق
وفي رحلتي ماتت جميع الااماني
طاغي الشوق
[/read]